曼聯歐聯再輸一場，紐卡素的絕地反勝睇嚟對球隊的反彈起唔到作用。依家睇曼聯，比起之前幾年真係辛苦好多，無癮好多。君不見利物浦又入4球？曼城炒完般尼5球再贏薩克達3球？係唔係好有當年我哋懷念緊嘅曼聯影子？曾幾何時，我哋唔係擔心球隊落後、唔係擔心球隊失分，而係擔心球隊入波入得太少。嗰種爽快，到紅軍、到曼城、到車仔球迷好好享受。而呢一刻我哋就同當年紅軍球迷一樣，睇住謝老四領軍的球隊輸一場贏一場，高不成低不就。
傾到呢度，就要講講現代足球，無可否認已經同90年代好唔同。當時醫學科技唔算好普及，每隊球隊嘅訓練模式、軍醫團隊質素可以差好遠，於是有資源、有名氣嘅球隊質素自然更超班。但時移世易，即使投資數唔多，一樣可以有高質的醫療團隊，訓練專家。於是不同球隊的水準已經日漸拉近，球員之間體能、腳法嘅差距都唔會太大。中下游班嘅體能同戰術已經大大增強，同強隊的差距亦唔會差好遠，所以列強之所以所向披靡，其實好大原因在於心理質素、在於團隊力量，重要過實力上完爆對手。
咁就可以解釋到，點解曼聯對中下游隊伍舉步為艱，但其他英超豪門就贏到開巷。睇人腳，曼聯點可能算二線？山齊士係智利國家隊的最強人物；普巴係世界盃冠軍法國陣中嘅中流砥柱，領隊迪甘斯非常信任。數落少少，福仔、連加特係英軍的未來新星，後者世盃表現更可圈可點；馬迪爾雖然未成大器，但腳法細膩亦係新人中的表表者；馬迪更加係多年來車仔的核心人物。能力不可謂不強，但如果意志不足，信心不夠，又或者用錯方式，最終人人水準打個6折，自自然然成為二三線球隊。
里奧費迪南如此看祖記一戰：「個個祖記球員在奧脫福都表現出無壓力，主隊反而打到似客隊，俾人壓住嚟打。如果我係主隊，領隊竟然叫我打後半格打防守，我會好震驚。喂，曼聯嚟架？如果今仗球隊一開始已經收到堅守嘅指示，咁就真係該煨。」唔單止祖記，你見到曼城、紅軍身上嘅信心，嗰種獅子搏兔、我才是王嘅氣勢，足以令二線球員變一線，一線球星變超班。反之，依家曼聯滿懷心事，球員實力再高亦會打個折扣，面對實力已經提升不少嘅中型班，自然都唔夠抽。
其實講到尾，里奧都未必啱哂，只係佢道出咗「精神」嘅重要性。就算打fifa都預設曼聯個戰術做「堅守」，其實都唔係最主要問題。有決心有陣式，打反擊都可以數你好幾球。依家嘅情況係球隊無靈魂、無信心，咁嘅情況下五五波爭控球都一定會輸。要搵返球隊靈魂，一係由領隊帶住球員；一係由球員當中嘅靈魂人物帶起。但呢一刻，似乎2個方向都無咩可能，作為死忠曼聯粉絲，睇嚟都要挨下悶波、接受輸波，喺球隊偶有佳作時開心下，然後繼續等待……
傾到呢度，就要講講現代足球，無可否認已經同90年代好唔同。當時醫學科技唔算好普及，每隊球隊嘅訓練模式、軍醫團隊質素可以差好遠，於是有資源、有名氣嘅球隊質素自然更超班。但時移世易，即使投資數唔多，一樣可以有高質的醫療團隊，訓練專家。於是不同球隊的水準已經日漸拉近，球員之間體能、腳法嘅差距都唔會太大。中下游班嘅體能同戰術已經大大增強，同強隊的差距亦唔會差好遠，所以列強之所以所向披靡，其實好大原因在於心理質素、在於團隊力量，重要過實力上完爆對手。
咁就可以解釋到，點解曼聯對中下游隊伍舉步為艱，但其他英超豪門就贏到開巷。睇人腳，曼聯點可能算二線？山齊士係智利國家隊的最強人物；普巴係世界盃冠軍法國陣中嘅中流砥柱，領隊迪甘斯非常信任。數落少少，福仔、連加特係英軍的未來新星，後者世盃表現更可圈可點；馬迪爾雖然未成大器，但腳法細膩亦係新人中的表表者；馬迪更加係多年來車仔的核心人物。能力不可謂不強，但如果意志不足，信心不夠，又或者用錯方式，最終人人水準打個6折，自自然然成為二三線球隊。
里奧費迪南如此看祖記一戰：「個個祖記球員在奧脫福都表現出無壓力，主隊反而打到似客隊，俾人壓住嚟打。如果我係主隊，領隊竟然叫我打後半格打防守，我會好震驚。喂，曼聯嚟架？如果今仗球隊一開始已經收到堅守嘅指示，咁就真係該煨。」唔單止祖記，你見到曼城、紅軍身上嘅信心，嗰種獅子搏兔、我才是王嘅氣勢，足以令二線球員變一線，一線球星變超班。反之，依家曼聯滿懷心事，球員實力再高亦會打個折扣，面對實力已經提升不少嘅中型班，自然都唔夠抽。
其實講到尾，里奧都未必啱哂，只係佢道出咗「精神」嘅重要性。就算打fifa都預設曼聯個戰術做「堅守」，其實都唔係最主要問題。有決心有陣式，打反擊都可以數你好幾球。依家嘅情況係球隊無靈魂、無信心，咁嘅情況下五五波爭控球都一定會輸。要搵返球隊靈魂，一係由領隊帶住球員；一係由球員當中嘅靈魂人物帶起。但呢一刻，似乎2個方向都無咩可能，作為死忠曼聯粉絲，睇嚟都要挨下悶波、接受輸波，喺球隊偶有佳作時開心下，然後繼續等待……
請按此登錄後留言。未成為會員? 立即註冊