講曼聯嘅邊緣人，不得不提安達斯彭利拿（Andreas Pereira）。見慣佢打進攻中場，見慣佢攻擊為上，再望望曼聯中前線人滿之患，再加上連續2季外借，好多人都唔睇好彭利拿喺曼聯嘅前途。但上季幫華倫西亞奪下亮麗成績，再喺美國之旅成功突圍而出，彭利拿隨時成為下一個連格，走出絕不平凡嘅道路。但佢嘅路，已經唔喺攻擊線之上。
先講今季第一場比賽，彭利拿一反「攻中」形象，現身喺防中6號位，即係有傷在身嘅馬迪擅長嘅位置。作為防中，攔截、阻擋做得非常稱職之外，佢嘅傳送仲非常有威脅，91%的傳送成功率，當中有6球係長傳。防守，傳送，轉守為攻，係唔係好熟口面呢？無錯，呢個數據顯示佢有「卡域克化」嘅傾向！而呢個轉變唔係偶然，而係有預謀嘅。佢自己咁講：「依家我出任6號位，嘗試踢出最好嘅自己。而卡域克喺每課操練當中都幫我良多，有呢位最佳中場俾貼士我，同我講應該點踢點做，跟佢學嘢令我好易上手。」無錯，彭利拿之所以「卡域克化」，正正因為有卡域克同化佢！
其實摩連奴一早已經睇中彭利拿嘅潛力。上季彭利拿自己堅持要外借，呢一著令摩連奴有少少唔高興：「佢要外借令我有少少失望，因為我認為佢可以在曼聯爭逐正選之位。所以佢走咗我係唔開心嘅。」之但係呢一趟華倫之旅令彭利拿成長唔少，始終有得踢先會進步，佢喺華倫上陣23場，幫球隊拎聯賽第四，差3分甚至可以同皇馬同分！所以呢個經歷亦令彭利拿成長唔少，絕對係利多於弊。
而喺陣式上，彭利拿亦為摩連奴帶來一啲新選擇。摩帥如是說：「馬迪、費蘭尼、普巴，甚至係靴里拉，都係體質強、步大力雄嘅中場。相比之下，彭利拿、費特就係腳法行先，於狹窄空間以傳送連繫攻擊球員嘅中場。」多一個唔同風格嘅早場組合，佈陣當然更為靈活。再加上佢同費特已經開始建立友誼，2人份屬同鄉，彭利拿亦指佢會盡全力幫呢位巴西新將，會教佢英文、會同佢一齊努力，有默契之後絕對係另一個中場嘅殺著。希望佢可以成為下一個好似連格咁，令大家跌到滿地眼鏡碎嘅「新卡域克」啦！
先講今季第一場比賽，彭利拿一反「攻中」形象，現身喺防中6號位，即係有傷在身嘅馬迪擅長嘅位置。作為防中，攔截、阻擋做得非常稱職之外，佢嘅傳送仲非常有威脅，91%的傳送成功率，當中有6球係長傳。防守，傳送，轉守為攻，係唔係好熟口面呢？無錯，呢個數據顯示佢有「卡域克化」嘅傾向！而呢個轉變唔係偶然，而係有預謀嘅。佢自己咁講：「依家我出任6號位，嘗試踢出最好嘅自己。而卡域克喺每課操練當中都幫我良多，有呢位最佳中場俾貼士我，同我講應該點踢點做，跟佢學嘢令我好易上手。」無錯，彭利拿之所以「卡域克化」，正正因為有卡域克同化佢！
其實摩連奴一早已經睇中彭利拿嘅潛力。上季彭利拿自己堅持要外借，呢一著令摩連奴有少少唔高興：「佢要外借令我有少少失望，因為我認為佢可以在曼聯爭逐正選之位。所以佢走咗我係唔開心嘅。」之但係呢一趟華倫之旅令彭利拿成長唔少，始終有得踢先會進步，佢喺華倫上陣23場，幫球隊拎聯賽第四，差3分甚至可以同皇馬同分！所以呢個經歷亦令彭利拿成長唔少，絕對係利多於弊。
而喺陣式上，彭利拿亦為摩連奴帶來一啲新選擇。摩帥如是說：「馬迪、費蘭尼、普巴，甚至係靴里拉，都係體質強、步大力雄嘅中場。相比之下，彭利拿、費特就係腳法行先，於狹窄空間以傳送連繫攻擊球員嘅中場。」多一個唔同風格嘅早場組合，佈陣當然更為靈活。再加上佢同費特已經開始建立友誼，2人份屬同鄉，彭利拿亦指佢會盡全力幫呢位巴西新將，會教佢英文、會同佢一齊努力，有默契之後絕對係另一個中場嘅殺著。希望佢可以成為下一個好似連格咁，令大家跌到滿地眼鏡碎嘅「新卡域克」啦！
請按此登錄後留言。未成為會員? 立即註冊