再一次話畀大家聽，英超唔係易打。超越前輩保格迪，以47球成為歷年來入球最多嘅墨西哥球員；再加上身在利華古遜上陣76場攻入39球，小豆靴南迪斯絕對證明自己係一級前鋒球員。不過強如小豆，加盟韋斯咸回歸英超至今上陣653分鐘都只係攻入3球，平均218分鐘先有一個入球…
曼聯前助教佩蘭咁講：「如果你要搵一個入球成績表亮眼嘅球員，你搵小豆無有錯。但問題係，你畀唔畀到供應佢？如果你可以保證到離門18碼可以畀到源源不絕嘅供應佢，我敢寫包單超過半數會成為入波。只係你畀唔畀到供應佢？」韋斯咸正正就係做唔到，至今所製造嘅65次攻門機會，60次都係拖泥帶水，甚至曾經一度要小豆打左翼鋒去供應卡路爾。以小豆嘅打法，如果唔係打正前鋒的話，根本唔可能用盡佢嘅潛能。
如果要講，韋斯咸要發揮小豆，確係有2個機會：一係就卡路爾同佢嘅雙前鋒組合可以出現非凡嘅化學反應，就如當年新特蘭長人昆尼與菲臘斯一樣，高矮互補，由卡路爾頭槌二傳畀供應佢；一係就同陣中創造力、助攻最紮實嘅蘭仙尼打出默契。但依家似乎2者都未出現，小豆要有運行睇嚟仲要啲時間。
但季初曼聯傳緊買莫拉達，或者係公佈買盧卡古之後，唔少球迷都回應話小豆回歸曼聯比佢哋都好，又係唔係事實呢？單睇季初曼聯嘅戰術同打法，睇嚟答案係：摩連奴都救唔到豆。以小豆最佳位置poachers而言，佢最殺食就係支援球員放獨到波畀佢，等佢以又靈活又準確嘅入楔殺入無人之境攻門。但依家嘅曼聯要一位hold到波嘅柱躉式中鋒，要保護到皮球等機會，或者傳送畀後上嘅攻擊球員埋門。偏偏hold 波就係小豆比較弱嘅一環，佢畀人一逼就甩嘅畫面大家都見唔少。而英超就係最多步大力雄後衛嘅地方，無一位夾到小豆嘅創造性傳送球員，根本畀唔到佢發揮。至於後上嘅攻擊球員，好似馬迪爾、福仔、連加特嘅速度同突破能力，都係小豆所欠缺嘅。
所以點解以前嘅曼聯係畀到小豆發揮，係因為有卡域克、朗尼嘅獨到傳送，但依家打突擊、打防反、打身型壓制嘅曼聯，已經唔再係小豆屬於嘅地方……
曼聯前助教佩蘭咁講：「如果你要搵一個入球成績表亮眼嘅球員，你搵小豆無有錯。但問題係，你畀唔畀到供應佢？如果你可以保證到離門18碼可以畀到源源不絕嘅供應佢，我敢寫包單超過半數會成為入波。只係你畀唔畀到供應佢？」韋斯咸正正就係做唔到，至今所製造嘅65次攻門機會，60次都係拖泥帶水，甚至曾經一度要小豆打左翼鋒去供應卡路爾。以小豆嘅打法，如果唔係打正前鋒的話，根本唔可能用盡佢嘅潛能。
如果要講，韋斯咸要發揮小豆，確係有2個機會：一係就卡路爾同佢嘅雙前鋒組合可以出現非凡嘅化學反應，就如當年新特蘭長人昆尼與菲臘斯一樣，高矮互補，由卡路爾頭槌二傳畀供應佢；一係就同陣中創造力、助攻最紮實嘅蘭仙尼打出默契。但依家似乎2者都未出現，小豆要有運行睇嚟仲要啲時間。
但季初曼聯傳緊買莫拉達，或者係公佈買盧卡古之後，唔少球迷都回應話小豆回歸曼聯比佢哋都好，又係唔係事實呢？單睇季初曼聯嘅戰術同打法，睇嚟答案係：摩連奴都救唔到豆。以小豆最佳位置poachers而言，佢最殺食就係支援球員放獨到波畀佢，等佢以又靈活又準確嘅入楔殺入無人之境攻門。但依家嘅曼聯要一位hold到波嘅柱躉式中鋒，要保護到皮球等機會，或者傳送畀後上嘅攻擊球員埋門。偏偏hold 波就係小豆比較弱嘅一環，佢畀人一逼就甩嘅畫面大家都見唔少。而英超就係最多步大力雄後衛嘅地方，無一位夾到小豆嘅創造性傳送球員，根本畀唔到佢發揮。至於後上嘅攻擊球員，好似馬迪爾、福仔、連加特嘅速度同突破能力，都係小豆所欠缺嘅。
所以點解以前嘅曼聯係畀到小豆發揮，係因為有卡域克、朗尼嘅獨到傳送，但依家打突擊、打防反、打身型壓制嘅曼聯，已經唔再係小豆屬於嘅地方……
請按此登錄後留言。未成為會員? 立即註冊