英國脫歐係國際大事，而當中的魔鬼細節在在都影響到球壇，早前就已經有新聞講過，脫歐之後英籍球員與歐盟球員身份將會分開計算，即係話歐盟球員之後能唔能夠喺英國工作、居住都仲要傾，工作證點搞？畀幾多稅？所有細節都係Hidden Agenda，一個唔小心就可以畀人拉人封艇、奉旨遣返，你都咪話唔驚！
唔好講到咁遠，其實買個年青小將都好可能受到脫歐影響，因為脫歐之後英國球會只可以買18歲以上嘅球員，同購買世界各地其他球員嘅情況睇齊。而歐盟成員國之內係有豁免，16、17歲嘅球員可以喺成員國之間進行買賣，即係話買人方面，英國球會輸在起跑線上。
日前曼聯首席財務主管比迪（Cliff Baty）就喺一個論壇上面，話脫歐之後曼聯未必夠巴塞、皇馬爭小將：「脫歐之後買青年球員會變成一個實際操作問題，尤其喺歐洲各地引入球員方面，我哋會失去同巴塞、皇馬爭人嘅優勢。16歲就可以打巴塞，但要等到18歲先可以打曼聯，咁會直接影響到球會嘅買人操作。我哋一定要傾傾，英超球會一定要留意到呢個問題。」其實當年曼聯買普巴嘅時候係16歲，唔好理佢之後去唔去祖記，總之日後無咗呢個先手，好多好球員就會先被西甲等等「歐盟豪強」先下手為強。
其實唔單止呢樣，有啲小問題都會增加球會嘅麻煩，比迪提到唔少歐盟球員都希望用歐元出糧，只不過作為英國公司，曼聯都唔會妥協，照出英鎊。當中涉及啲對換之類嘅麻煩事，雖然未至於影響到有球員為咗呢個原因唔肯加盟，不過實在令球會同球員都有啲麻煩。
講返最大鑊嘅「小將條款」，其實英國都有度緊有無得同歐盟傾傾，新增一個16、17歲小將都可以自由買賣嘅豁免權，不過呢單嘢真係要啲時間去傾、去實行，萬一唔得，英超球隊好可能就要輸先手畀其他國家。對於曼聯影響可能已經算少，因為我哋始終都有唔少成功青訓，不過對於啲青訓系統無咁出色嘅球會，影響可以幾大架...
唔好講到咁遠，其實買個年青小將都好可能受到脫歐影響，因為脫歐之後英國球會只可以買18歲以上嘅球員，同購買世界各地其他球員嘅情況睇齊。而歐盟成員國之內係有豁免，16、17歲嘅球員可以喺成員國之間進行買賣，即係話買人方面，英國球會輸在起跑線上。
日前曼聯首席財務主管比迪（Cliff Baty）就喺一個論壇上面，話脫歐之後曼聯未必夠巴塞、皇馬爭小將：「脫歐之後買青年球員會變成一個實際操作問題，尤其喺歐洲各地引入球員方面，我哋會失去同巴塞、皇馬爭人嘅優勢。16歲就可以打巴塞，但要等到18歲先可以打曼聯，咁會直接影響到球會嘅買人操作。我哋一定要傾傾，英超球會一定要留意到呢個問題。」其實當年曼聯買普巴嘅時候係16歲，唔好理佢之後去唔去祖記，總之日後無咗呢個先手，好多好球員就會先被西甲等等「歐盟豪強」先下手為強。
其實唔單止呢樣，有啲小問題都會增加球會嘅麻煩，比迪提到唔少歐盟球員都希望用歐元出糧，只不過作為英國公司，曼聯都唔會妥協，照出英鎊。當中涉及啲對換之類嘅麻煩事，雖然未至於影響到有球員為咗呢個原因唔肯加盟，不過實在令球會同球員都有啲麻煩。
講返最大鑊嘅「小將條款」，其實英國都有度緊有無得同歐盟傾傾，新增一個16、17歲小將都可以自由買賣嘅豁免權，不過呢單嘢真係要啲時間去傾、去實行，萬一唔得，英超球隊好可能就要輸先手畀其他國家。對於曼聯影響可能已經算少，因為我哋始終都有唔少成功青訓，不過對於啲青訓系統無咁出色嘅球會，影響可以幾大架...
請按此登錄後留言。未成為會員? 立即註冊