米希達利恩搶場上鏡、普巴場外都搶鏡，呢個大家應該無咩懷疑，不過睇新將之餘其他球員又點呢？就等我哋睇睇2位外借小紅魔近況啦！
先係遠赴西甲格蘭納達嘅巴西小將安祖斯彭利拿（Andreas Pereira），打得辛唔辛苦？睇依家格蘭納達28場波先得19分，就知佢哋壓力大之餘打比賽時都幾辛苦啦。不過彭利拿都算係表現唔錯，至今攻入4球、貢獻2次助攻，要知道咁多場波格蘭納達只係有25個入波，有成五分之一都關彭利拿事，都睇得出佢打得唔錯！
唔知大家點睇佢成為曼聯正選嘅機會呢？原來摩帥團隊一直都有繼續睇實彭利拿：「我一直都有收到摩帥畀我嘅訊息，令我感覺到曼聯方仍然好相信我，仍然睇實有我上陣嘅比賽。對我而言係非常重要，因為我雖然身在格蘭納達，我仍然是一位曼聯球員。副教練雷法利亞周不時都畀msg我，問下我過成點架。有時佢會同我講，『喂，入咗球靚波噃！』我真係好開心架，大家真係有留意我嘅成長！其實我有時都會同贊奴沙、普巴、科素文沙、拜利同華倫西亞聯絡，仲有馬達！我在曼聯很長時間，估都估到大家有幾好朋友。我掛住大家架，聯絡係一定要嘅。有時我哋有假放都想見下大家，不過無直航機來回，所以難度都幾高。」
最後，佢就表示自己好想返嚟曼聯爭一隊位置：「我嘅夢想係可以在曼聯一隊成為主力。當然我知我仍然在格蘭納達，我要好好集中注意力去做我要做嘅事，不過我嘅夢想一定係留喺奧脫福。下季啦，我會好好努力、去爭取！」
拿，再睇下佢喺格蘭納達嘅入波，大家又睇下值唔值得一隊正選先啦！
https://www.youtube.com/watch?v=vVUfmdRCF-g
下頁我哋睇埋贊奴沙！
先係遠赴西甲格蘭納達嘅巴西小將安祖斯彭利拿（Andreas Pereira），打得辛唔辛苦？睇依家格蘭納達28場波先得19分，就知佢哋壓力大之餘打比賽時都幾辛苦啦。不過彭利拿都算係表現唔錯，至今攻入4球、貢獻2次助攻，要知道咁多場波格蘭納達只係有25個入波，有成五分之一都關彭利拿事，都睇得出佢打得唔錯！
唔知大家點睇佢成為曼聯正選嘅機會呢？原來摩帥團隊一直都有繼續睇實彭利拿：「我一直都有收到摩帥畀我嘅訊息，令我感覺到曼聯方仍然好相信我，仍然睇實有我上陣嘅比賽。對我而言係非常重要，因為我雖然身在格蘭納達，我仍然是一位曼聯球員。副教練雷法利亞周不時都畀msg我，問下我過成點架。有時佢會同我講，『喂，入咗球靚波噃！』我真係好開心架，大家真係有留意我嘅成長！其實我有時都會同贊奴沙、普巴、科素文沙、拜利同華倫西亞聯絡，仲有馬達！我在曼聯很長時間，估都估到大家有幾好朋友。我掛住大家架，聯絡係一定要嘅。有時我哋有假放都想見下大家，不過無直航機來回，所以難度都幾高。」
最後，佢就表示自己好想返嚟曼聯爭一隊位置：「我嘅夢想係可以在曼聯一隊成為主力。當然我知我仍然在格蘭納達，我要好好集中注意力去做我要做嘅事，不過我嘅夢想一定係留喺奧脫福。下季啦，我會好好努力、去爭取！」
拿，再睇下佢喺格蘭納達嘅入波，大家又睇下值唔值得一隊正選先啦！
https://www.youtube.com/watch?v=vVUfmdRCF-g
下頁我哋睇埋贊奴沙！
請按此登錄後留言。未成為會員? 立即註冊