迪比評半場靚笠：我不是碧咸

雖然追隨師傅嚟到曼聯之後打唔出身價，不過迪比其實真係幾有實力！佢喺里昂幫球隊入咗一球半場笠射嘅靚波，就連朗尼都喺Twitter大叫：「入得好伙伴！」呢一腳大家都同碧咸比，因為都係半場大笠死！迪比又點睇自己畀人同碧咸比呢？

佢咁講：「呢球係我生涯中嘅代表性入球。可以入呢種波真係令我好激動，幾年前我有一次試過咁笠法，不過就中楣收場。今次我夠好運真係入波喇。」而迪比之所以入到呢球除咗幸運之外仲依靠觀察力，因為佢發現對手門將拿方迪好喜歡離開龍門：「我不斷提自己，我哋施壓時我都會望望佢，所以我哋一拎到控球權時我大約都知佢嘅位置，當時我即刻轉身就射。咩都無諗，就只係本能地笠佢。我甚至連個波有無入都見唔到，我只係知人人都企起身同埋尖叫。不過同碧咸比？我唔係佢，我唔會自比一個咁傳奇嘅球員。」
其實迪比呢球係對方半場射入，碧咸嗰球就係自己半場，其實係有啲唔同架！反而呢，朗尼就有球差唔多距離喇！

https://www.youtube.com/watch?v=CctE07D7bx8迪比笠
https://www.youtube.com/watch?v=1ock4mORaNQ朗尼笠https://www.youtube.com/watch?v=Dl0L5awMY7E碧咸笠