聯賽搞極都搞唔掂嘅韋斯咸，聯賽盃畀多次機會曼聯，而紅魔鬼亦不負眾望，打出一場4:1嘅勝仗回饋球迷。賽後摩帥當然好滿意啦：「我對咁多個入波感到開心啲，因為對好表現我哋已經好習慣。我哋主場表現得非常非常咁好，而且場場都一樣咁好。韋斯咸第一腳攻門就扳平，不過下半場我方打得更有信心，最終舒舒服服贏波。美麗嘅進攻足球係球迷好喜歡嘅，不過我哋更需要戰果。」
而隊中各人表現出色，尤其當中2位球員更值得我哋留意。先係今仗被選為最佳球員嘅米希達利恩，佢雖然無入波，不過全場觸球59次、46次交波達94%成功傳送率，當中有7次重要傳送，2個助攻。有睇精華都見到佢後踭交波又好、獨到的直線傳送又好，都令人感覺到真正嘅米希達利恩返緊嚟！摩連奴都有讚無彈：「睇到呢仗佢嘅表現我好開心，因為佢對緊一隊英超球隊，係英超的高水準球會同埋擁有英超魂。所以呢一仗明顯睇到米希達利恩嘅進步，因為飛燕諾同埋英超球隊真係好唔好，佢對飛燕諾打得好唔代表可以打贏英超隊。因為佢嘅質素我哋先會買佢，大家都等緊佢適應到，而呢一刻睇嚟已經來臨了。」
無錯，佢對住韋斯咸表現出嘅冷靜同埋腳法，真係令人好雀躍。好似第一球就係佢後踭畀伊巴入波；而馬迪爾的第一腳入波亦係佢交出嘅助攻。睇返佢住場表現先：
https://www.youtube.com/watch?v=DGk4yyi8ZsE無錯，睇得出佢已經好明白英超係點樣嘅一個比賽方式，有時波未到已經有幾對對手的腳到先，攞定個波慢慢諗、慢慢搓接近係唔可能。於是米希達利恩嘅適應方式，就係唔上腳，唔畀對手有出腳的機會，波一到就交出去。由片入面睇得到，佢好多時喺禁區背對龍門拎到波，即時就回後少少畀其他隊友，又或者橫傳畀無人mark嘅隊友。咁樣令佢自己嘅走動、隊友嘅機動力都大大提高，而且對手好難同時畀到幾個曼聯球員同樣嘅壓逼，所以就人造成唔少空位嘅出現。呢一種互動打法，令到另一位曼聯球員得到咗好處，佢就係馬迪爾。
其實只係上半場，馬迪爾已經畀米希達利恩解放，有2個大好機會都係呢pair攻擊球員製造出嚟，分別係18分鐘同埋30分鐘。雖然佢哋要到下半場先製造到一個入波，不過好明顯就係有米希達利恩嘅情況下馬迪爾嘅空間就多咗，而且有信心咗好多。馬迪爾扭波可以話係招牌，不過喺未有米希達利恩嘅比賽之下，唔知係信心定係隊友幫唔到佢，佢已經由上季平均一場波有2.7次盤球減至今季0.5次。而呢一場比賽入面，佢嘅盤球數甚至去到4次，比呢場比賽入面所有曼聯球員都多，可見佢有好大嘅改善。
而筆者認為，大家最欣喜嘅應該係米希達利恩所帶來嘅創造力其實一啲都唔差，之前佢未慣又好、未夾到隊友又好，總之就係未能發揮，依家呢場波嘅表現，就睇得出佢絕對可以成為另一位曼聯進攻線嘅核心球員。呢幾場都壓住對手但係入唔到波？會唔會答案就喺佢身上搵到？
而隊中各人表現出色，尤其當中2位球員更值得我哋留意。先係今仗被選為最佳球員嘅米希達利恩，佢雖然無入波，不過全場觸球59次、46次交波達94%成功傳送率，當中有7次重要傳送，2個助攻。有睇精華都見到佢後踭交波又好、獨到的直線傳送又好，都令人感覺到真正嘅米希達利恩返緊嚟！摩連奴都有讚無彈：「睇到呢仗佢嘅表現我好開心，因為佢對緊一隊英超球隊，係英超的高水準球會同埋擁有英超魂。所以呢一仗明顯睇到米希達利恩嘅進步，因為飛燕諾同埋英超球隊真係好唔好，佢對飛燕諾打得好唔代表可以打贏英超隊。因為佢嘅質素我哋先會買佢，大家都等緊佢適應到，而呢一刻睇嚟已經來臨了。」
無錯，佢對住韋斯咸表現出嘅冷靜同埋腳法，真係令人好雀躍。好似第一球就係佢後踭畀伊巴入波；而馬迪爾的第一腳入波亦係佢交出嘅助攻。睇返佢住場表現先：
https://www.youtube.com/watch?v=DGk4yyi8ZsE無錯，睇得出佢已經好明白英超係點樣嘅一個比賽方式，有時波未到已經有幾對對手的腳到先，攞定個波慢慢諗、慢慢搓接近係唔可能。於是米希達利恩嘅適應方式，就係唔上腳，唔畀對手有出腳的機會，波一到就交出去。由片入面睇得到，佢好多時喺禁區背對龍門拎到波，即時就回後少少畀其他隊友，又或者橫傳畀無人mark嘅隊友。咁樣令佢自己嘅走動、隊友嘅機動力都大大提高，而且對手好難同時畀到幾個曼聯球員同樣嘅壓逼，所以就人造成唔少空位嘅出現。呢一種互動打法，令到另一位曼聯球員得到咗好處，佢就係馬迪爾。
其實只係上半場，馬迪爾已經畀米希達利恩解放，有2個大好機會都係呢pair攻擊球員製造出嚟，分別係18分鐘同埋30分鐘。雖然佢哋要到下半場先製造到一個入波，不過好明顯就係有米希達利恩嘅情況下馬迪爾嘅空間就多咗，而且有信心咗好多。馬迪爾扭波可以話係招牌，不過喺未有米希達利恩嘅比賽之下，唔知係信心定係隊友幫唔到佢，佢已經由上季平均一場波有2.7次盤球減至今季0.5次。而呢一場比賽入面，佢嘅盤球數甚至去到4次，比呢場比賽入面所有曼聯球員都多，可見佢有好大嘅改善。
而筆者認為，大家最欣喜嘅應該係米希達利恩所帶來嘅創造力其實一啲都唔差，之前佢未慣又好、未夾到隊友又好，總之就係未能發揮，依家呢場波嘅表現，就睇得出佢絕對可以成為另一位曼聯進攻線嘅核心球員。呢幾場都壓住對手但係入唔到波？會唔會答案就喺佢身上搵到？
請按此登錄後留言。未成為會員? 立即註冊