對費倫巴治一役曼聯大勝，當中亦有唔少話題，好似係朗尼讓個12碼畀普巴啦，雲佩斯入波啦、普巴入個靚波啦等等。對於呢場大勝，摩帥就話其實仲有得更好！
佢咁講：「好得意，喺傳媒眼中2日前普巴係英超最差球員之一，2日之後佢就係比賽關鍵人物。老老實實，佢真係仲要啲時間。我教過意甲，我知意大利足球係點嘅。喺意甲打滾4、5年，返到嚟我唔期望佢一下子就可以適應。佢要啲時間。我哋知佢係一個好好嘅球員，亦知道佢係時候表現出身價，不過有時真係唔逼得。佢有自信，外面啲人點講影響唔到佢，而今日嘅好表現亦唔會令佢有太大改變。當然，可以喺主場入波對一個球員一定係好事，仲要係一球靚波添。」
比賽另一個焦點，應該就要數普巴12碼喇，因為個波原本係朗尼射嘅。佢講返當時發生咩事：「我問朗尼，我可唔可以主射，而佢就應承畀我主射。我好開心可以入波，而且係一位偉大球員讓畀我射，一位我好尊重嘅球員。咁令我更開心。」不過呢件事其實有少少風波，曼聯名宿（應該係）奧雲就唔太認同，唔係因為禮讓，而係佢怕朗尼已經無哂鬥心。而另一位曼聯名宿奧雲…夏格維斯，都認為朗尼睇落越來越無信心，所以先會畀哂啲12碼其他球員射。實情點大家唔知，不過摩帥就咁講：「普巴第一個射，係佢哋嘅共同決定，而佢可能唔想立即射第二個12碼啦，因為2個罰波好近。我個人對此無意見。另外，亦因為馬迪爾係搏得12碼嘅人，而佢亦係一個好好嘅劊子手，所以就由佢射。我會為邊個射12碼落少少指示，不過我都會畀啲自由度球員，等佢哋自己喺場上決定。」
朗尼係唔係已經失去信心到12碼都唔敢射？筆者感覺應該唔係嘅，只係佢身為老大哥，知道呢個12碼畀普巴射會有咩作為。其實真係立竿見影，信心大增嘅佢入完12碼立即射入一球靚波。對於整隊球隊而言，有咩好得過畀到隊友信心？話唔定普巴順起上嚟，之後幾仗都有波入呢？
https://www.youtube.com/watch?v=X97XM84wfeA普巴12碼
https://www.youtube.com/watch?v=66hZOUYlt2k普巴靚入波
佢咁講：「好得意，喺傳媒眼中2日前普巴係英超最差球員之一，2日之後佢就係比賽關鍵人物。老老實實，佢真係仲要啲時間。我教過意甲，我知意大利足球係點嘅。喺意甲打滾4、5年，返到嚟我唔期望佢一下子就可以適應。佢要啲時間。我哋知佢係一個好好嘅球員，亦知道佢係時候表現出身價，不過有時真係唔逼得。佢有自信，外面啲人點講影響唔到佢，而今日嘅好表現亦唔會令佢有太大改變。當然，可以喺主場入波對一個球員一定係好事，仲要係一球靚波添。」
比賽另一個焦點，應該就要數普巴12碼喇，因為個波原本係朗尼射嘅。佢講返當時發生咩事：「我問朗尼，我可唔可以主射，而佢就應承畀我主射。我好開心可以入波，而且係一位偉大球員讓畀我射，一位我好尊重嘅球員。咁令我更開心。」不過呢件事其實有少少風波，曼聯名宿（應該係）奧雲就唔太認同，唔係因為禮讓，而係佢怕朗尼已經無哂鬥心。而另一位曼聯名宿奧雲…夏格維斯，都認為朗尼睇落越來越無信心，所以先會畀哂啲12碼其他球員射。實情點大家唔知，不過摩帥就咁講：「普巴第一個射，係佢哋嘅共同決定，而佢可能唔想立即射第二個12碼啦，因為2個罰波好近。我個人對此無意見。另外，亦因為馬迪爾係搏得12碼嘅人，而佢亦係一個好好嘅劊子手，所以就由佢射。我會為邊個射12碼落少少指示，不過我都會畀啲自由度球員，等佢哋自己喺場上決定。」
朗尼係唔係已經失去信心到12碼都唔敢射？筆者感覺應該唔係嘅，只係佢身為老大哥，知道呢個12碼畀普巴射會有咩作為。其實真係立竿見影，信心大增嘅佢入完12碼立即射入一球靚波。對於整隊球隊而言，有咩好得過畀到隊友信心？話唔定普巴順起上嚟，之後幾仗都有波入呢？
https://www.youtube.com/watch?v=X97XM84wfeA普巴12碼
https://www.youtube.com/watch?v=66hZOUYlt2k普巴靚入波
請按此登錄後留言。未成為會員? 立即註冊