雙紅會有幾重要？有幾刺激？當中的恩怨有幾長篇？加利仔就同大家分享，究竟兩軍的恩怨情仇究竟有幾恐怖。
點解加利仔會喜歡曼聯？因為佢爸爸係曼聯迷，佢每星期都會帶囝囝去睇曼聯比賽，估計應該唔係得佢一個喇！雖然佢無提，菲臘仔應該都一齊去睇嘅！每當架車就嚟到奧脫福，佢就會心跳加速。不過佢仲係球迷嘅時候，當時曼聯仲未強大，當年仲係利物浦世界。所以加利仔成日都會被一班利物浦球迷蝦，會同佢哋嘈，而且成日講曼聯的不是，話曼聯排聯賽11呀、無冠軍拎呀之類。當然，喺佢同埋一班好隊友的幫助之下，所有嘢都唔同哂。
2006年加利仔因為雙紅會一件事而被足總罰咗5000鎊，不過佢到依家都唔後悔。當時情況…都係由佢講啦：「我哋打咗89分鐘，仲係0:0。紅軍球迷用自己作嘅歌『唱緊』我同我家人。呢個時候我哋喺禁區邊得到一個罰球，傑斯準備開呢個波。當時我嘅精神、身體、集中力都已經唔係平時嘅水平，同對陣阿仙奴、車路士都唔同。對我而言，對曼城都唔會有呢種感覺。直情係靈魂出竅嘅感覺，緊張感非同一般。其實只要係雙紅會，2星期前你就會如芒刺在背，1星期前就會無時無刻想到，3日前就如重拳打面一樣每秒都重擊你。如果可以擊敗利物浦，這將是一季中最好的一天。如果敗了，想當而然是最差的一天。
講返嗰一日，傑斯開波。我只係記得皮球曲線向前飛，里奧跳起，之後…入球了。奧脫福猶如爆炸了一樣，之後發生所有事都只是按本能發生。我向利物浦球迷跑去，我同自己講我要去搵佢哋。狂奔60碼之後，我看到這班唱足89分鐘歌的球迷鴉雀無聲，看到他們開不了口，這一刻是我一世人中最開心的一刻。之後足總罰咗我錢，不過要我再選擇的話，要我畀多100次罰金我都會照做。甚至有人講過：『30歲人仲做呢種事？唔係呀化？』佢哋啱，不過這就是足球的魔力，90分鐘大人都可以變返細路。
足球就係要激情，當中有幽默、有失望、有焦慮，亦有純粹喜悅、純粹悲傷。你可能要一個星期先經歷哂全部呢啲感情，我哋只要90分鐘就可以經歷哂。足球比過山車更正，生命中好少有嘢可以令你咁興奮。我到依家仲記得三冠王遊行時，我見到一個同我差唔多年紀嘅人號哭不已，青筋都現埋。佢可能同我一樣，細細個畀利物浦的人蝦大，到三冠王終於出一口烏氣。所有的不快，都係令呢一刻更為甜美的前菜。」
唔得，睇到呢到筆者都有啲眼濕濕。咩都係假，今晚，曼聯對陣利物浦，就等我哋同歷代曼聯的球迷、球星、歷代英靈，一齊去見證英國最重要的宿敵戰，一齊睇最令人透唔到氣嘅大戰啦！
https://www.youtube.com/watch?v=yw_5gNV2Bj4 就係呢一球！https://www.youtube.com/watch?v=QubF5Afcuek就係呢個慶祝！
點解加利仔會喜歡曼聯？因為佢爸爸係曼聯迷，佢每星期都會帶囝囝去睇曼聯比賽，估計應該唔係得佢一個喇！雖然佢無提，菲臘仔應該都一齊去睇嘅！每當架車就嚟到奧脫福，佢就會心跳加速。不過佢仲係球迷嘅時候，當時曼聯仲未強大，當年仲係利物浦世界。所以加利仔成日都會被一班利物浦球迷蝦，會同佢哋嘈，而且成日講曼聯的不是，話曼聯排聯賽11呀、無冠軍拎呀之類。當然，喺佢同埋一班好隊友的幫助之下，所有嘢都唔同哂。
2006年加利仔因為雙紅會一件事而被足總罰咗5000鎊，不過佢到依家都唔後悔。當時情況…都係由佢講啦：「我哋打咗89分鐘，仲係0:0。紅軍球迷用自己作嘅歌『唱緊』我同我家人。呢個時候我哋喺禁區邊得到一個罰球，傑斯準備開呢個波。當時我嘅精神、身體、集中力都已經唔係平時嘅水平，同對陣阿仙奴、車路士都唔同。對我而言，對曼城都唔會有呢種感覺。直情係靈魂出竅嘅感覺，緊張感非同一般。其實只要係雙紅會，2星期前你就會如芒刺在背，1星期前就會無時無刻想到，3日前就如重拳打面一樣每秒都重擊你。如果可以擊敗利物浦，這將是一季中最好的一天。如果敗了，想當而然是最差的一天。
講返嗰一日，傑斯開波。我只係記得皮球曲線向前飛，里奧跳起，之後…入球了。奧脫福猶如爆炸了一樣，之後發生所有事都只是按本能發生。我向利物浦球迷跑去，我同自己講我要去搵佢哋。狂奔60碼之後，我看到這班唱足89分鐘歌的球迷鴉雀無聲，看到他們開不了口，這一刻是我一世人中最開心的一刻。之後足總罰咗我錢，不過要我再選擇的話，要我畀多100次罰金我都會照做。甚至有人講過：『30歲人仲做呢種事？唔係呀化？』佢哋啱，不過這就是足球的魔力，90分鐘大人都可以變返細路。
足球就係要激情，當中有幽默、有失望、有焦慮，亦有純粹喜悅、純粹悲傷。你可能要一個星期先經歷哂全部呢啲感情，我哋只要90分鐘就可以經歷哂。足球比過山車更正，生命中好少有嘢可以令你咁興奮。我到依家仲記得三冠王遊行時，我見到一個同我差唔多年紀嘅人號哭不已，青筋都現埋。佢可能同我一樣，細細個畀利物浦的人蝦大，到三冠王終於出一口烏氣。所有的不快，都係令呢一刻更為甜美的前菜。」
唔得，睇到呢到筆者都有啲眼濕濕。咩都係假，今晚，曼聯對陣利物浦，就等我哋同歷代曼聯的球迷、球星、歷代英靈，一齊去見證英國最重要的宿敵戰，一齊睇最令人透唔到氣嘅大戰啦！
https://www.youtube.com/watch?v=yw_5gNV2Bj4 就係呢一球！https://www.youtube.com/watch?v=QubF5Afcuek就係呢個慶祝！
請按此登錄後留言。未成為會員? 立即註冊