唔介意做普巴身後的男人，我哋梗係要好好睇下靴里拉係唔係真係咁稱職啦！如果佢身在普巴身後拖後腿，大家唔拖佢出去…坐後備就怪喇！
其實一開始靴里拉真係唔係摩帥的首選，因為摩連奴心目中的「硬聯」陣式係由普巴同費蘭尼組成，兩個高佬都係「牙牙咋咋」，為中前場增加唔少截擊力，提供2道高牆令對手難以突破。不過情況係，費蘭尼撞就夠撞，對傳統英超隊伍有一定威脅，只係對於較為技術型的球隊就有啲麻煩。呢個情況喺對曼城時就出現咗，而後備上陣的靴里拉就令摩連奴眼前一亮：「靴里拉下半場入替，佢令我哋可以重拾快速足球，令隊伍可以推得更前，亦可以建立新一輪攻勢，將皮球多次送到底線構成威脅。佢嘅態度令件事唔同哂。」
靴里拉同費蘭尼風格有啲唔同，爆炸頭制空力強、身體抗性亦強，不過打法絕對無靴里拉咁聰明同細膩。有靴里拉的比賽，曼聯嘅進攻次數同入肉程度都較高，雖然靴里拉較少喺前線做組織，不過佢為球隊帶來的攻擊係後半場開始嘅。佢分波快、而且目標好明確，就係向前。平均每場比賽佢都有49次衝刺，比起37次的費蘭尼為多。加上佢對於重啟攻擊節奏、分邊都有佢自己一套，有佢喺防中位置分波，曼聯的攻勢就加速唔少。呢個情況同卡域克在陣時有啲似，不過卡域克為隊伍帶來速度嘅原因，係佢嘅傳送好準繩獨到，令隊伍轉守為攻的速度好快。而靴里拉就係用自己運球，加上閱讀球賽的能力、良好準繩的傳送，由中場開始控制節奏。
攻擊方面佢成為曼聯中後場的起動機之一，不過唔好認為佢對防守無咩貢獻，對李城同埋史篤城兩戰當中佢總共截咗對方11次傳送，破壞咗對手唔少攻勢之餘，呢個數字更係隊伍中無人能及。有佢喺後面，普巴就無後顧之憂放心進攻，呢個中場組合喺聯賽出現咗2次，普巴已經製造咗7次威脅加上3次命中龍門的射球，數字上比佢拍住費蘭尼4場比賽加埋都多。曾經有人講過，如果普巴繼續打防中唔可能值8900萬鎊，因為防守球員一定無進攻球員咁貴。要佢打出身價，睇嚟由靴里拉解放普巴係現時最有效的選擇。
又咁睇，雖然李城都算係冠軍級人馬，不過呢場比賽的表現唔能夠參考太多，始終數球員質素，有唔少球隊都比佢哋強。加利仔就認為呢對組合需要更多試鍊去證明自己：「我唔認為李城一戰會說服到摩連奴呢個中場組合係最有效。曼聯之後仲要對車路士、利物浦同埋曼城，呢幾場波先係試金石，去說服摩帥、說服我哋、說服球迷。參加大賽、對最好的對手都可以表現出水準，先可以真正表示佢哋實力足夠。」
其實一開始靴里拉真係唔係摩帥的首選，因為摩連奴心目中的「硬聯」陣式係由普巴同費蘭尼組成，兩個高佬都係「牙牙咋咋」，為中前場增加唔少截擊力，提供2道高牆令對手難以突破。不過情況係，費蘭尼撞就夠撞，對傳統英超隊伍有一定威脅，只係對於較為技術型的球隊就有啲麻煩。呢個情況喺對曼城時就出現咗，而後備上陣的靴里拉就令摩連奴眼前一亮：「靴里拉下半場入替，佢令我哋可以重拾快速足球，令隊伍可以推得更前，亦可以建立新一輪攻勢，將皮球多次送到底線構成威脅。佢嘅態度令件事唔同哂。」
靴里拉同費蘭尼風格有啲唔同，爆炸頭制空力強、身體抗性亦強，不過打法絕對無靴里拉咁聰明同細膩。有靴里拉的比賽，曼聯嘅進攻次數同入肉程度都較高，雖然靴里拉較少喺前線做組織，不過佢為球隊帶來的攻擊係後半場開始嘅。佢分波快、而且目標好明確，就係向前。平均每場比賽佢都有49次衝刺，比起37次的費蘭尼為多。加上佢對於重啟攻擊節奏、分邊都有佢自己一套，有佢喺防中位置分波，曼聯的攻勢就加速唔少。呢個情況同卡域克在陣時有啲似，不過卡域克為隊伍帶來速度嘅原因，係佢嘅傳送好準繩獨到，令隊伍轉守為攻的速度好快。而靴里拉就係用自己運球，加上閱讀球賽的能力、良好準繩的傳送，由中場開始控制節奏。
攻擊方面佢成為曼聯中後場的起動機之一，不過唔好認為佢對防守無咩貢獻，對李城同埋史篤城兩戰當中佢總共截咗對方11次傳送，破壞咗對手唔少攻勢之餘，呢個數字更係隊伍中無人能及。有佢喺後面，普巴就無後顧之憂放心進攻，呢個中場組合喺聯賽出現咗2次，普巴已經製造咗7次威脅加上3次命中龍門的射球，數字上比佢拍住費蘭尼4場比賽加埋都多。曾經有人講過，如果普巴繼續打防中唔可能值8900萬鎊，因為防守球員一定無進攻球員咁貴。要佢打出身價，睇嚟由靴里拉解放普巴係現時最有效的選擇。
又咁睇，雖然李城都算係冠軍級人馬，不過呢場比賽的表現唔能夠參考太多，始終數球員質素，有唔少球隊都比佢哋強。加利仔就認為呢對組合需要更多試鍊去證明自己：「我唔認為李城一戰會說服到摩連奴呢個中場組合係最有效。曼聯之後仲要對車路士、利物浦同埋曼城，呢幾場波先係試金石，去說服摩帥、說服我哋、說服球迷。參加大賽、對最好的對手都可以表現出水準，先可以真正表示佢哋實力足夠。」
請按此登錄後留言。未成為會員? 立即註冊