前兩日同大家講曼聯好大機會會放棄小豬，不過佢自己呢就真係唔多想走，喺社交網上面發表咗一篇文，真係睇到人熱淚盈眶…
佢咁寫：「曼聯將係我最後一支效力嘅歐洲球隊。我尊重其他隊伍，不過只有曼聯先可以令我離開拜仁慕尼黑。我已經準備好，如果隊伍需要我可以隨時出聲。對於我依家的情況，我只可以講咁多。我想多謝球迷多個星期以來對我嘅支持。」
喺拜仁13個年頭，取得22個主要錦標，更加參加過4次歐國盃、3次世界盃，如此一位傳奇中場，就連紐亞都認為佢唔應該受到如此待遇：「我哋都知小豬對球隊而言係幾咁重要，對拜仁又好對國家隊都好。對我而言佢係世上最好的中場之一，而且仍然係世上最好的中場之一。依家足球世界見唔到佢，對於球迷而言真係一個損失。」
大家都應該睇得出，小豬係講「歐洲球隊」，即係佢仍然有機會去中超同埋美職，只不過前者轉會窗7月已經關閉；後者8月初都一樣已經閂咗門，所以最少呢幾個月都唔會見佢出現喺美職同中超…有報章就計過，小豬一個月人工有成19萬鎊，一年就講緊成1千萬鎊，如果佢留效而摩連奴真係唔出佢，咁樣其實都幾蝕底…當然，依家曼聯中場人多為患，有復活戰成功兼得到摩帥大大讚許的費蘭尼，又有機會都唔少、表現都唔錯嘅靴里拉，普巴更加不在話下，而且仲有一個打仔格嘅舒拉達連，好似個個都啱摩連奴心水多過小豬……咁其實，小豬應唔應該走？筆者自己就好想佢可以轟轟烈烈打返一個好賽季先走喇，你又點睇呢？
佢咁寫：「曼聯將係我最後一支效力嘅歐洲球隊。我尊重其他隊伍，不過只有曼聯先可以令我離開拜仁慕尼黑。我已經準備好，如果隊伍需要我可以隨時出聲。對於我依家的情況，我只可以講咁多。我想多謝球迷多個星期以來對我嘅支持。」
喺拜仁13個年頭，取得22個主要錦標，更加參加過4次歐國盃、3次世界盃，如此一位傳奇中場，就連紐亞都認為佢唔應該受到如此待遇：「我哋都知小豬對球隊而言係幾咁重要，對拜仁又好對國家隊都好。對我而言佢係世上最好的中場之一，而且仍然係世上最好的中場之一。依家足球世界見唔到佢，對於球迷而言真係一個損失。」
大家都應該睇得出，小豬係講「歐洲球隊」，即係佢仍然有機會去中超同埋美職，只不過前者轉會窗7月已經關閉；後者8月初都一樣已經閂咗門，所以最少呢幾個月都唔會見佢出現喺美職同中超…有報章就計過，小豬一個月人工有成19萬鎊，一年就講緊成1千萬鎊，如果佢留效而摩連奴真係唔出佢，咁樣其實都幾蝕底…當然，依家曼聯中場人多為患，有復活戰成功兼得到摩帥大大讚許的費蘭尼，又有機會都唔少、表現都唔錯嘅靴里拉，普巴更加不在話下，而且仲有一個打仔格嘅舒拉達連，好似個個都啱摩連奴心水多過小豬……咁其實，小豬應唔應該走？筆者自己就好想佢可以轟轟烈烈打返一個好賽季先走喇，你又點睇呢？
請按此登錄後留言。未成為會員? 立即註冊