摩連奴預言今晚會派普巴上陣、又話佢係地表最強，高帽就戴哂喇，不過佢會唔會打得出水準呢？定係會好似佢離開曼聯之前上陣嗰幾次一樣，表現唔太特出呢？當然啦，此子經過幾年浸淫，同當年嘅普巴已經有啲唔同。最明顯嘅就係體格上，睇返相其實都見得到普巴真係大隻唔少，佢自己都有提過自己大份咗，強壯咗。幾年前睇佢對腳幼幼哋，就知道佢唔係幾襟撞，50 50的對碰時都幾輸蝕。不過家下佢一身肌肉，要阻止佢過你；或者唔好畀佢阻止你過佢，都變得困難咗。而佢嘅傳送能力、遠射能力都比以前好咗，不過有一樣嘢筆者就唔想佢改變喇！係咩？等前曼聯教練保羅麥堅尼斯同大家講！
佢咁講：「我哋當時會將啲唔同屆嘅青年球員打散嚟打比賽，當年隊中有拉舒福特同埋贊奴沙等人。不過無論點換人都好，大家都想學普巴、跟佢嘅動作，模仿佢，所以我會叫佢做魔笛手。佢哋都好團結，好似一大班兄弟一樣。而我第一次見到佢，佢已經有6尺3嘅身型，我就已經哇咗出聲。再睇埋佢嘅腳法，我就知佢會好有成就。佢步速快、有技術，而且有體格，最重要係信心滿滿。」無錯，就係呢個重要嘅能力：「魔笛手」。呢個格林童話故事大家都應該聽過，魔笛手有能力引領一切，包括將老鼠引哂落河浸死；又可以引哂啲小朋友離開村莊，總次就係一個帶頭人物，有非常強大而且神秘嘅領導魔力。青年足總盃的冠軍人馬當中，就有唔少都係同普巴一齊爭盃嘅，好多都講過只要有普巴在陣佢哋個心都會定啲。佢如果可以保持到當年的影響力，對曼聯嚟講都真係幾重要架。
而唔單止技術上，喺唔同新聞、頭條上普巴都係風頭躉，佢嘅頭髮同衣著可能無咩人跟得到，不過有一樣嘢大家都可以跟得到，就係慶祝方法！佢有個Dab Celebration嘅招牌動作，雖然好多唔同範疇嘅運動員都有用開，就連格特都有試過，不過就以普巴最鍾意用！而普巴就同大家講，既然依家係全新普巴返曼聯，佢都諗緊研發一個新嘅Dab Celebration改良版，如果佢今晚入波大家就可以見得到喇！
https://www.youtube.com/watch?v=XGG8vWTifM0普巴 dabhttps://www.youtube.com/watch?v=4UugS9l6QvI連加特dab
佢咁講：「我哋當時會將啲唔同屆嘅青年球員打散嚟打比賽，當年隊中有拉舒福特同埋贊奴沙等人。不過無論點換人都好，大家都想學普巴、跟佢嘅動作，模仿佢，所以我會叫佢做魔笛手。佢哋都好團結，好似一大班兄弟一樣。而我第一次見到佢，佢已經有6尺3嘅身型，我就已經哇咗出聲。再睇埋佢嘅腳法，我就知佢會好有成就。佢步速快、有技術，而且有體格，最重要係信心滿滿。」無錯，就係呢個重要嘅能力：「魔笛手」。呢個格林童話故事大家都應該聽過，魔笛手有能力引領一切，包括將老鼠引哂落河浸死；又可以引哂啲小朋友離開村莊，總次就係一個帶頭人物，有非常強大而且神秘嘅領導魔力。青年足總盃的冠軍人馬當中，就有唔少都係同普巴一齊爭盃嘅，好多都講過只要有普巴在陣佢哋個心都會定啲。佢如果可以保持到當年的影響力，對曼聯嚟講都真係幾重要架。
而唔單止技術上，喺唔同新聞、頭條上普巴都係風頭躉，佢嘅頭髮同衣著可能無咩人跟得到，不過有一樣嘢大家都可以跟得到，就係慶祝方法！佢有個Dab Celebration嘅招牌動作，雖然好多唔同範疇嘅運動員都有用開，就連格特都有試過，不過就以普巴最鍾意用！而普巴就同大家講，既然依家係全新普巴返曼聯，佢都諗緊研發一個新嘅Dab Celebration改良版，如果佢今晚入波大家就可以見得到喇！
https://www.youtube.com/watch?v=XGG8vWTifM0普巴 dabhttps://www.youtube.com/watch?v=4UugS9l6QvI連加特dab
請按此登錄後留言。未成為會員? 立即註冊