摩連奴講過，朗尼唔係嗰種「離門50碼作賽」嘅球員，不過根據本季第一場嘅表現睇嚟，好似朗尼都係當自己中場咁打。對於呢個趨勢，跟開《skysports》嘅加利仔同加歷查兩個球評家都不約而同認為朗尼已經返唔到轉頭喇！
加歷查咁講：「單係紙上談兵的話，朗尼就係打10號位置嘅。不過實際上佢8號位、6號位、10號位都會打，唔同時間唔同責任。如果你睇返上季季尾佢掂波嘅位置分佈圗，唔難發現佢已經打緊中場，最後幾場比賽更只有一次入禁區。所以佢溜後打已經係不爭嘅事實，佢要波嘅機會多咗，觸球機會亦多咗。」加歷查講緊係曼聯上季對李城、韋斯咸同埋般尼茅夫的比賽，朗尼唔單止只係入過一次禁區咁大把，仲要成個中場佢都掂過波咁滯。
到咗今個球季，朗尼係就係入多咗禁區，對般尼茅夫大勝一場佢都入過去禁區4次，不過咁嘅數字都唔可能令人當佢前鋒咁辦。加歷查仲肯肯定咁講佢係打緊8號位，因為朗尼連交波入去禁區嘅次數都唔多咁話。唔通佢唔聽指示？加歷查認為唔係，佢話朗尼只係太慣打中場，所以已經返唔到轉頭。而佢呢個打法，好啱同一個人夾，佢就係普巴。
加歷查如是說：「我唔太喜歡一隊入面有2個控球中場，不過我認為普巴嚟到就會為曼聯帶來新的精神面貌，佢係一個box-to-box 球員，佢嘅跑動可以帶動成個中場。我認為朗尼拍普巴係一個好有可能的合作模式，尤其係佢哋可以互相補位，例如普巴打10號位時朗尼就可以後少少。如果普巴爆前，朗尼就可以上返少少補佢個中場位置。」加利仔都認同佢嘅講法，不過就有啲嘢要小心：「如果朗尼同普巴拍住上，喺一個控球中場前少少嘅位置佈陣。佢哋可以合作到，而且朗尼有足球智慧，亦可以後上攻門。只係點轉陣都好，朗尼一定要畀到個穩定性佢，雲高爾一嚟到時朗尼係打單箭頭個箭頭，一仗都唔知有無25次觸球；不過上季佢已經係一場波掂波成100次嘅中場球員。如果依家又叫佢打返前鋒，咁就真係大件事。要畀朗尼一個穩定啲嘅位置，更重要係畀一個領隊帶佢2、3年，因為佢好需要一個穩定環境去適應『後朗尼職業生涯』。」老老實實，筆者之前都撰文講過，曼聯依家前鋒真係唔少，伊巴同拉舒福特固然係可堪期待，其實馬迪爾都一樣可以打到前鋒。攻擊中場方面，又有米希達利恩、馬達幾個選擇，其實朗尼真係可以好好咁學習下，學卡域克點轉守為攻，成為下一任中場老大哥。當然，佢肯打都要睇摩連奴肯唔肯轉佢型喇。
加歷查咁講：「單係紙上談兵的話，朗尼就係打10號位置嘅。不過實際上佢8號位、6號位、10號位都會打，唔同時間唔同責任。如果你睇返上季季尾佢掂波嘅位置分佈圗，唔難發現佢已經打緊中場，最後幾場比賽更只有一次入禁區。所以佢溜後打已經係不爭嘅事實，佢要波嘅機會多咗，觸球機會亦多咗。」加歷查講緊係曼聯上季對李城、韋斯咸同埋般尼茅夫的比賽，朗尼唔單止只係入過一次禁區咁大把，仲要成個中場佢都掂過波咁滯。
到咗今個球季，朗尼係就係入多咗禁區，對般尼茅夫大勝一場佢都入過去禁區4次，不過咁嘅數字都唔可能令人當佢前鋒咁辦。加歷查仲肯肯定咁講佢係打緊8號位，因為朗尼連交波入去禁區嘅次數都唔多咁話。唔通佢唔聽指示？加歷查認為唔係，佢話朗尼只係太慣打中場，所以已經返唔到轉頭。而佢呢個打法，好啱同一個人夾，佢就係普巴。
加歷查如是說：「我唔太喜歡一隊入面有2個控球中場，不過我認為普巴嚟到就會為曼聯帶來新的精神面貌，佢係一個box-to-box 球員，佢嘅跑動可以帶動成個中場。我認為朗尼拍普巴係一個好有可能的合作模式，尤其係佢哋可以互相補位，例如普巴打10號位時朗尼就可以後少少。如果普巴爆前，朗尼就可以上返少少補佢個中場位置。」加利仔都認同佢嘅講法，不過就有啲嘢要小心：「如果朗尼同普巴拍住上，喺一個控球中場前少少嘅位置佈陣。佢哋可以合作到，而且朗尼有足球智慧，亦可以後上攻門。只係點轉陣都好，朗尼一定要畀到個穩定性佢，雲高爾一嚟到時朗尼係打單箭頭個箭頭，一仗都唔知有無25次觸球；不過上季佢已經係一場波掂波成100次嘅中場球員。如果依家又叫佢打返前鋒，咁就真係大件事。要畀朗尼一個穩定啲嘅位置，更重要係畀一個領隊帶佢2、3年，因為佢好需要一個穩定環境去適應『後朗尼職業生涯』。」老老實實，筆者之前都撰文講過，曼聯依家前鋒真係唔少，伊巴同拉舒福特固然係可堪期待，其實馬迪爾都一樣可以打到前鋒。攻擊中場方面，又有米希達利恩、馬達幾個選擇，其實朗尼真係可以好好咁學習下，學卡域克點轉守為攻，成為下一任中場老大哥。當然，佢肯打都要睇摩連奴肯唔肯轉佢型喇。
請按此登錄後留言。未成為會員? 立即註冊