可能言之尚早，不過第一場友誼賽過後，已經隱隱然令人憂心隊長朗尼嘅處境。喺摩帥口中，佢唔會畀呢位英格蘭前鋒打中場，佢講過朗尼「唔係嗰啲離開龍門50碼作賽嘅人，佢唔會司職6號或者8號，佢會打9號、10號或是9.5號。」問題係，9號同10號係唔係真係仲有朗尼嘅位置呢？
第一場比賽當中，新兵米希達利恩為曼聯首次上陣，雖然只係對韋根，佢已經話畀大家聽佢身為10號仔嘅能力所在。上屆身在多蒙特之時佢已經係德甲助攻王，交出15個助攻，比次席比拿拉比的11個仲多4個。而呢場友賽亦可以睇到呢位助攻王之所以咁有貢獻，係因為佢有用唔完嘅氣力，可以話係前場的發動機之一。佢唔係賣門前一腳嘅球員，亦唔係單純以腳法同技術玩弄對手嘅球員，實實在在以汗水換來對球隊的作用。暫時睇，佢呢一種踢法對於速度、節奏都快嘅英超嚟講，應該有一定契合度。當然要睇實際落場先知係唔係真係適應到啦，不過以摩帥角度出發，米希達利恩好可能打10號，作為連結中場同前鋒線嘅一位重要人物。
而另一位10號仔人選就係馬達。喺雲高爾的麾下，因為人人都有自己必須遵守的岡位同工作，對於創造型的馬達而言其實有啲局限，有啲發揮唔到。當然，摩帥同馬達嘅關係麻麻，亦有講過馬達唔適合當年車路士的陣式。只係事隔多年，球隊又唔再係車路士，陣式中係唔係有馬達的位置呢？加上世界上無永遠的敵人，以努力聞名的馬達唔單止喺第一仗交出助攻證明自己，佢亦深得更衣室人心，如果摩帥留低佢，更畀佢打返最擅長的10號位，可能有奇兵之效。
好喇，10號仔競爭激烈，咁9號呢？其實情況更為慘烈。伊巴雖然年紀大過朗尼，不過成績表上佢31場法甲入38個入波，對比上個球季入球只有單位數字嘅朗尼而言，呢位新嚟的前線大將絕對係最大對手。而除咗佢，曼聯鋒線其實仲有一大班人，摩帥已經大讚過新秀拉舒福特有潛質；而上季成日打翼嘅法國新星馬迪爾，其實最理想的位置都係打前鋒。面對新星的挑戰同伊巴的爭位，朗尼要喺9號位、10號位爭到正選其實一啲都唔易。
你可以話，一隊英超波一定要有一位英軍靈魂人物，就好似利物浦有謝拉特、車路士有泰利一樣，有呢位典型「英」雄先可以鎮住軍心，亦可以保持英格蘭球隊傳統。朗尼當然可以做得到，而佢作為老大哥，對於更衣室的穩定性亦有一定作用。只係摩連奴絕對係一位現實主義者，如果打唔出佢想要的要求，犧牲、放棄朗尼都絕對唔係一件奇事。只係，大家都知摩連奴一直都對朗尼好有好感，幾年前更傳過佢想將朗尼帶到史丹福橋，或者狂人眼中有佢一套用朗尼的方式都唔一定。隊長可以為曼聯再帶嚟幾多貢獻？或者我哋都可以靜心睇睇，究竟摩帥同朗尼嘅化學作用會唔會大到連伊巴都可以擊敗？
第一場比賽當中，新兵米希達利恩為曼聯首次上陣，雖然只係對韋根，佢已經話畀大家聽佢身為10號仔嘅能力所在。上屆身在多蒙特之時佢已經係德甲助攻王，交出15個助攻，比次席比拿拉比的11個仲多4個。而呢場友賽亦可以睇到呢位助攻王之所以咁有貢獻，係因為佢有用唔完嘅氣力，可以話係前場的發動機之一。佢唔係賣門前一腳嘅球員，亦唔係單純以腳法同技術玩弄對手嘅球員，實實在在以汗水換來對球隊的作用。暫時睇，佢呢一種踢法對於速度、節奏都快嘅英超嚟講，應該有一定契合度。當然要睇實際落場先知係唔係真係適應到啦，不過以摩帥角度出發，米希達利恩好可能打10號，作為連結中場同前鋒線嘅一位重要人物。
而另一位10號仔人選就係馬達。喺雲高爾的麾下，因為人人都有自己必須遵守的岡位同工作，對於創造型的馬達而言其實有啲局限，有啲發揮唔到。當然，摩帥同馬達嘅關係麻麻，亦有講過馬達唔適合當年車路士的陣式。只係事隔多年，球隊又唔再係車路士，陣式中係唔係有馬達的位置呢？加上世界上無永遠的敵人，以努力聞名的馬達唔單止喺第一仗交出助攻證明自己，佢亦深得更衣室人心，如果摩帥留低佢，更畀佢打返最擅長的10號位，可能有奇兵之效。
好喇，10號仔競爭激烈，咁9號呢？其實情況更為慘烈。伊巴雖然年紀大過朗尼，不過成績表上佢31場法甲入38個入波，對比上個球季入球只有單位數字嘅朗尼而言，呢位新嚟的前線大將絕對係最大對手。而除咗佢，曼聯鋒線其實仲有一大班人，摩帥已經大讚過新秀拉舒福特有潛質；而上季成日打翼嘅法國新星馬迪爾，其實最理想的位置都係打前鋒。面對新星的挑戰同伊巴的爭位，朗尼要喺9號位、10號位爭到正選其實一啲都唔易。
你可以話，一隊英超波一定要有一位英軍靈魂人物，就好似利物浦有謝拉特、車路士有泰利一樣，有呢位典型「英」雄先可以鎮住軍心，亦可以保持英格蘭球隊傳統。朗尼當然可以做得到，而佢作為老大哥，對於更衣室的穩定性亦有一定作用。只係摩連奴絕對係一位現實主義者，如果打唔出佢想要的要求，犧牲、放棄朗尼都絕對唔係一件奇事。只係，大家都知摩連奴一直都對朗尼好有好感，幾年前更傳過佢想將朗尼帶到史丹福橋，或者狂人眼中有佢一套用朗尼的方式都唔一定。隊長可以為曼聯再帶嚟幾多貢獻？或者我哋都可以靜心睇睇，究竟摩帥同朗尼嘅化學作用會唔會大到連伊巴都可以擊敗？
請按此登錄後留言。未成為會員? 立即註冊