歐國盃終於曲終人散，不過大家應該仍然熱血沸騰，因為法國與葡萄牙上演了一場驚心動魄的大戰，美妙射門不少、華麗撲救亦很多，不過更熱血的點都要數C朗在場邊緊張指揮，連領隊嗰份都做埋嘅肉緊樣。
葡國隊友們一致認為，呢場大戰最終勝利，C朗實在功不可沒。無錯，打咗25分鐘就因傷退下火線嘅C朗，對呢場大戰仍然起關鍵作用。聽聽守將薛迪列卡度（Cedric Soares）點講：「(C朗傷出)真係一個好難以接受嘅時刻，我記得當時我同隊友，人人都有啲震驚。不過半場時C朗就用說話鼓勵我哋，令我哋信心大增。佢話『大家聽住，我好肯定我哋會羸，所以我哋要好好團結，繼續爭戰！』真係難以置信，隊伍啲正面態度之後出哂嚟。今日我哋表現出，只要大家團結一致，比起孤軍作戰實在強太多了。C朗嘅態度都係無得頂，佢總係會幫隊友，對我哋講好多鼓勵說話，而隊伍亦以行動回應咗佢。佢真係好好。」
而一箭定江山嘅艾達都提到C朗嘅重要性：「佢同我講，我會係攻入致勝球嘅一個。唔單止佢，個個隊友都有同我咁講。我哋真係好努力，由歐國盃第一分鐘開始我哋已經好努力。葡萄牙值得羸。」
諗返C朗喺場邊嘅一幕，真係以為佢係葡萄牙領隊！面容扭曲、肉緊非常，指住個手錶提球證記得時間、半場休息用強大Team Talk鼓勵隊員，帶出眾人最強一面、用唔同身體語言、擁抱去令隊友知道自己有幾重要，等等……無錯，非常似曾相識，因為呢一切真係太有爵爺影子喇！所以有一刻筆者真係有諗過，如果摩連奴之後唔係傑斯，係C朗的話都似模似樣噃！既然施丹都得喇，C朗都一樣得，係唔係？https://www.youtube.com/watch?v=kAW0METxQ9U 領隊朗~
葡國隊友們一致認為，呢場大戰最終勝利，C朗實在功不可沒。無錯，打咗25分鐘就因傷退下火線嘅C朗，對呢場大戰仍然起關鍵作用。聽聽守將薛迪列卡度（Cedric Soares）點講：「(C朗傷出)真係一個好難以接受嘅時刻，我記得當時我同隊友，人人都有啲震驚。不過半場時C朗就用說話鼓勵我哋，令我哋信心大增。佢話『大家聽住，我好肯定我哋會羸，所以我哋要好好團結，繼續爭戰！』真係難以置信，隊伍啲正面態度之後出哂嚟。今日我哋表現出，只要大家團結一致，比起孤軍作戰實在強太多了。C朗嘅態度都係無得頂，佢總係會幫隊友，對我哋講好多鼓勵說話，而隊伍亦以行動回應咗佢。佢真係好好。」
而一箭定江山嘅艾達都提到C朗嘅重要性：「佢同我講，我會係攻入致勝球嘅一個。唔單止佢，個個隊友都有同我咁講。我哋真係好努力，由歐國盃第一分鐘開始我哋已經好努力。葡萄牙值得羸。」
諗返C朗喺場邊嘅一幕，真係以為佢係葡萄牙領隊！面容扭曲、肉緊非常，指住個手錶提球證記得時間、半場休息用強大Team Talk鼓勵隊員，帶出眾人最強一面、用唔同身體語言、擁抱去令隊友知道自己有幾重要，等等……無錯，非常似曾相識，因為呢一切真係太有爵爺影子喇！所以有一刻筆者真係有諗過，如果摩連奴之後唔係傑斯，係C朗的話都似模似樣噃！既然施丹都得喇，C朗都一樣得，係唔係？https://www.youtube.com/watch?v=kAW0METxQ9U 領隊朗~
請按此登錄後留言。未成為會員? 立即註冊