摩連奴入主奧脫福，反應當然係非常兩極啦！而筆者都認為佢嚟到一定會令曼聯起唔少變化。就等我哋估估下，睇下佢嚟到有咩好有咩唔好先！
首先就睇下有咩可以期待下先啦！首先，奧脫福的激情應該有機會可以返嚟喇。雲高爾教曼聯好多時都係坐定定，最勁嗰次都係行出去同助理球證理論時扮插水。爵爺吹風機？真係好懷念喇…唔係吹球員咁簡單，佢連球證都吹到爆，呢份影響球員嘅熱情，雲高爾在比賽時真係欠奉。不過家下摩連奴入主，大家又有望見到曼聯主帥挑戰球證喇。狂人一日唔搞事就唔係狂人啦！佢返咗車路士3年，已經被罰超過14萬鎊，可見佢一啲都唔會卸球證！
而新一個球季另一個注目地方，一定係曼市打吡。高普對雲高爾？呢個場景已經唔係最吸睛，因為當摩連奴對碰哥迪奧拿戲碼上演，激烈之處唔會比當年巴塞對皇馬嘅國家打吡弱！當然，一次過英超出現摩連奴、哥迪奧拿、干地、高普等等頂級領隊，亦令人好期待摩帥會有咩奇招！
曼聯防反戰術的極致化亦可以畀大家先想像一下，打防反一直都係摩帥強項，而今時今日曼聯喺雲高爾的建構之下多咗唔少快腳，馬迪爾嘅高速絕對係反擊戰術入面嘅重要尖刀；拉舒福特、連格特呢幾位小將都可以幫到手，再進一步連迪比、贊奴沙等人嘅速度都有可能被摩帥再次發掘，問題只係後防上摩帥可以點幫曼聯改善啫。係噃，仲有一個迪基亞，如果摩帥來投，佢又會唔會肯為狂人放棄去皇馬的機會呢？呢個亦係可以好好期待嘅一幕！
當然有得就有失，針無兩頭利，摩帥一定唔會只係帶來好處。就好似大家一直擔心嘅問題：馬達嘅去留就係最大問題之一。馬達同摩帥唔咬絃已經係公閞嘅秘密，摩帥入主之後2人可唔可以冰釋前嫌好好合作？定係有你無我呢？
而對於摩帥會唔會一反曼聯傳統，亦令好多人好擔心，包括曼聯高層。無他，佢style上真係同以前曼聯有啲唔同，好似係用本土將士方面，佢麾下車路士只有25%嘅球員係英國人，反之同時期曼聯就有48%係英國人，喜歡用外來將士嘅摩帥會唔會進一步減少英軍在曼聯的影響力？加上佢亦唔太喜歡用青訓，對於一向以青訓自豪嘅曼聯嚟講，睇嚟摩帥要好好融入呢個文化先可以得到高層信任。
不過可以確認嘅係，一位咁有性格嘅領隊嚟到，一定會為曼聯加入唔少新風格，對於畀雲帥搞到悶悶哋嘅球迷同埋球隊而言，狂人嘅狂絕對係可以激發起唔少動力同激情。好定唔好大家呢一刻都唔知，不過等住曼迷嘅應該係心跳同埋尖叫，呢樣大家都一定係好歡迎嘅！
首先就睇下有咩可以期待下先啦！首先，奧脫福的激情應該有機會可以返嚟喇。雲高爾教曼聯好多時都係坐定定，最勁嗰次都係行出去同助理球證理論時扮插水。爵爺吹風機？真係好懷念喇…唔係吹球員咁簡單，佢連球證都吹到爆，呢份影響球員嘅熱情，雲高爾在比賽時真係欠奉。不過家下摩連奴入主，大家又有望見到曼聯主帥挑戰球證喇。狂人一日唔搞事就唔係狂人啦！佢返咗車路士3年，已經被罰超過14萬鎊，可見佢一啲都唔會卸球證！
而新一個球季另一個注目地方，一定係曼市打吡。高普對雲高爾？呢個場景已經唔係最吸睛，因為當摩連奴對碰哥迪奧拿戲碼上演，激烈之處唔會比當年巴塞對皇馬嘅國家打吡弱！當然，一次過英超出現摩連奴、哥迪奧拿、干地、高普等等頂級領隊，亦令人好期待摩帥會有咩奇招！
曼聯防反戰術的極致化亦可以畀大家先想像一下，打防反一直都係摩帥強項，而今時今日曼聯喺雲高爾的建構之下多咗唔少快腳，馬迪爾嘅高速絕對係反擊戰術入面嘅重要尖刀；拉舒福特、連格特呢幾位小將都可以幫到手，再進一步連迪比、贊奴沙等人嘅速度都有可能被摩帥再次發掘，問題只係後防上摩帥可以點幫曼聯改善啫。係噃，仲有一個迪基亞，如果摩帥來投，佢又會唔會肯為狂人放棄去皇馬的機會呢？呢個亦係可以好好期待嘅一幕！
當然有得就有失，針無兩頭利，摩帥一定唔會只係帶來好處。就好似大家一直擔心嘅問題：馬達嘅去留就係最大問題之一。馬達同摩帥唔咬絃已經係公閞嘅秘密，摩帥入主之後2人可唔可以冰釋前嫌好好合作？定係有你無我呢？
而對於摩帥會唔會一反曼聯傳統，亦令好多人好擔心，包括曼聯高層。無他，佢style上真係同以前曼聯有啲唔同，好似係用本土將士方面，佢麾下車路士只有25%嘅球員係英國人，反之同時期曼聯就有48%係英國人，喜歡用外來將士嘅摩帥會唔會進一步減少英軍在曼聯的影響力？加上佢亦唔太喜歡用青訓，對於一向以青訓自豪嘅曼聯嚟講，睇嚟摩帥要好好融入呢個文化先可以得到高層信任。
不過可以確認嘅係，一位咁有性格嘅領隊嚟到，一定會為曼聯加入唔少新風格，對於畀雲帥搞到悶悶哋嘅球迷同埋球隊而言，狂人嘅狂絕對係可以激發起唔少動力同激情。好定唔好大家呢一刻都唔知，不過等住曼迷嘅應該係心跳同埋尖叫，呢樣大家都一定係好歡迎嘅！
請按此登錄後留言。未成為會員? 立即註冊