其實昨晚一聽到球場有炸彈，筆者就心知不妙，因為呢個事件絕對可以影響整個歐洲甚至世界球壇。莫講奧脫福，一個中型球會的球場都已經可以容納數以萬計的人，講到魯營、溫布萊，人就一定更多。如果恐襲可以入到奧脫福，對於歐洲球壇的保安可以講係響最大的警號。
筆者有幸，去奧脫福睇比賽都有好幾次，當中守備之嚴密真係非同一般，首先買飛時會有提示，叫大家入場一定要早，因為檢查同搜身需時；而且叫大家無必要直情連袋都最好唔帶，因為唔帶袋就搜少樣，可以快啲入到場。入場前唔係睇袋咁簡單，每一個入閘口都有男女工作人員共4人，一定會搜身搜到足先放人；仲要唔係入球場要搜，去門票中心要搜；入red café要搜；連入mega store一樣都要搜。搜完，仲會幫你戴返條紙帶，寫明幾時check過，你係進入邊個位置。球場之外，筆者有試過住奧脫福旁的足球酒店，所以試過凌晨12點左右喺奧脫福經過，唔好意思，仍然有保安巡緊。如果咁都放到炸彈入去，即係表示呢種警戒程度都係唔夠，意味住歐洲球場的保安系統會再一次被審視同升級，到時睇波1900開波，大家預1500好到場，否則真係半場都未必睇得到。
呢一次最終發現係一個大懞的人為過失，竟然係因為有訓練工作犬嘅私人公司在演習時遺下假炸彈造成大恐慌，不過呢件事件最終都無釀成關公災難，仲令大家對於奧脫福嘅反應有咗信心。發現「炸彈」時其實已經有唔少球迷入咗場，緊急應變工夫之下球迷好快就被移到安全地方，喺決定取消球賽之後亦快速疏散哂球迷，而唔係一團糟、大混亂之下完成。對於警方的反應、球會反應，大家信心都多咗，其實對於安全嚟講係有分加。如果要抽秤，都有2點嘅：第一，點解星期三演習遺下「炸彈」，過咗3日都係搵唔到呢個問題出嚟？有機會逼令球會於比賽日早上已經要檢查一次；第二，就係呢間大懞公司係借奧脫福嚟訓練定係受雇於曼聯，如果係後者就真係要好好檢討下。
不如又睇睇曼徹斯特警方點講：「對曼聯及般尼茅夫的球迷的合作及支持我們感到很高興。經過受控的引爆程序之後，我哋發現呢個炸彈係一個訓練用道具，係一間私人保安公司在訓練犬隻時意外遺下嘅。雖然呢個訓練組係無法引爆嘅，不過外型上佢真係非常像真，所以疏散球迷係最適當嘅做法，因為我哋唔想有任何人曝露喺危險當中。場中每個人都冷靜、聽指示，與警方及管理人員好好合作，確保疏散流程快速同安全。佢哋嘅表現值得大家關注，係足球界嘅榜樣。」
「但遺下訓練用炸彈呢一重要錯誤不能被接受，我哋要進行全面調查，搵出點發生、點解會發生，同邊個要被追究責任。呢件事引起大量球迷嘅不便、浪費大量警力同時間、浪費拆彈組嘅資源，更因為緊急疏散數以萬計球迷令不少人陷入不必要嘅危險當中。雖然在事件中不同單位都表現出專業同埋反應快速，而球迷都表現出冷靜合作，不過事件嘅發生本來就已經不可接受。」
總結，就係希望呢件事唔會影響大家對保安嘅信心啦！如果連睇場波都要驚恐襲，呢個世界就真係太危險喇…望就望呢件事唔好影響大家之後去睇波，專區人人都有機會去奧脫福朝聖！
筆者有幸，去奧脫福睇比賽都有好幾次，當中守備之嚴密真係非同一般，首先買飛時會有提示，叫大家入場一定要早，因為檢查同搜身需時；而且叫大家無必要直情連袋都最好唔帶，因為唔帶袋就搜少樣，可以快啲入到場。入場前唔係睇袋咁簡單，每一個入閘口都有男女工作人員共4人，一定會搜身搜到足先放人；仲要唔係入球場要搜，去門票中心要搜；入red café要搜；連入mega store一樣都要搜。搜完，仲會幫你戴返條紙帶，寫明幾時check過，你係進入邊個位置。球場之外，筆者有試過住奧脫福旁的足球酒店，所以試過凌晨12點左右喺奧脫福經過，唔好意思，仍然有保安巡緊。如果咁都放到炸彈入去，即係表示呢種警戒程度都係唔夠，意味住歐洲球場的保安系統會再一次被審視同升級，到時睇波1900開波，大家預1500好到場，否則真係半場都未必睇得到。
呢一次最終發現係一個大懞的人為過失，竟然係因為有訓練工作犬嘅私人公司在演習時遺下假炸彈造成大恐慌，不過呢件事件最終都無釀成關公災難，仲令大家對於奧脫福嘅反應有咗信心。發現「炸彈」時其實已經有唔少球迷入咗場，緊急應變工夫之下球迷好快就被移到安全地方，喺決定取消球賽之後亦快速疏散哂球迷，而唔係一團糟、大混亂之下完成。對於警方的反應、球會反應，大家信心都多咗，其實對於安全嚟講係有分加。如果要抽秤，都有2點嘅：第一，點解星期三演習遺下「炸彈」，過咗3日都係搵唔到呢個問題出嚟？有機會逼令球會於比賽日早上已經要檢查一次；第二，就係呢間大懞公司係借奧脫福嚟訓練定係受雇於曼聯，如果係後者就真係要好好檢討下。
不如又睇睇曼徹斯特警方點講：「對曼聯及般尼茅夫的球迷的合作及支持我們感到很高興。經過受控的引爆程序之後，我哋發現呢個炸彈係一個訓練用道具，係一間私人保安公司在訓練犬隻時意外遺下嘅。雖然呢個訓練組係無法引爆嘅，不過外型上佢真係非常像真，所以疏散球迷係最適當嘅做法，因為我哋唔想有任何人曝露喺危險當中。場中每個人都冷靜、聽指示，與警方及管理人員好好合作，確保疏散流程快速同安全。佢哋嘅表現值得大家關注，係足球界嘅榜樣。」
「但遺下訓練用炸彈呢一重要錯誤不能被接受，我哋要進行全面調查，搵出點發生、點解會發生，同邊個要被追究責任。呢件事引起大量球迷嘅不便、浪費大量警力同時間、浪費拆彈組嘅資源，更因為緊急疏散數以萬計球迷令不少人陷入不必要嘅危險當中。雖然在事件中不同單位都表現出專業同埋反應快速，而球迷都表現出冷靜合作，不過事件嘅發生本來就已經不可接受。」
總結，就係希望呢件事唔會影響大家對保安嘅信心啦！如果連睇場波都要驚恐襲，呢個世界就真係太危險喇…望就望呢件事唔好影響大家之後去睇波，專區人人都有機會去奧脫福朝聖！
請按此登錄後留言。未成為會員? 立即註冊