雲高爾講過，梅菲定律可以解釋到球隊依家有咩問題，究竟呢個係咩定律？佢嘅主旨係「可以出錯的地方，最終一定出錯」、「越擔心會發生，最後一定會發生」。上次迪基亞傷出，佢就馬後炮話龍門傷某程度已預視球隊會輸波；咁雖然佢無講，馬達的紅牌令球隊輸波睇嚟都入「梅菲」數。如果咁計落去，曼聯其實最差的情況仲未出現，因為接下來要迎接的問題更多。
先係聯賽位置，對西布朗呢隊聯賽中游位置的球隊曼聯尚且無法擊敗，接下來「會出錯的地方」其實更多。餘下9場賽事，雲帥話要攞足27分，不過睇睇數字就知呢件事唔易辦。計計球隊們餘下對手的平均排名，曼城的對手平均排11.4，熱刺11.5；李城同阿仙奴賽程上更有著數，對手平均排名只有12.1、12.7，曼聯呢？係10.1，即係佢對嘅強敵比上面幾隊球隊都要多。作客曼城、熱刺、韋斯咸，無一場唔係硬仗；就算愛華頓、李斯特城可以在主場迎戰，不過都唔易食。會出錯的盡出錯？最少對強隊有呢個心態，基本上已輸咗一半。
而作戰頻率曼聯其實都非同一般，李城本身無哂盃賽纏身，9場波就係9場波，唔駛分心、唔駛留力，盡做就得。而曼聯呢？分身歐霸、足總盃，計計埋埋隨時仲有20場比賽要打，加上球隊大半隊都打緊「十字軍11人」，起用青年軍不特止仲要一班「童兵」應付幾路戰線，唔好講成績，能夠派出足夠兵源已經係萬幸。
簡單講，對手強、賽程密、傷兵多，唯一可以扭轉戰局的睇嚟只有心態，不過今季曼聯的精神面貌弱如玻璃，無咩火氣時又無咩激情，平平淡淡要打出凌人盛勢真係有啲強人所難…唔係話潑冷水嘅，只係筆者唔太睇好，應該都係平平淡淡咩都無完成賽季機會大啲喇…大家準備好未呢？
先係聯賽位置，對西布朗呢隊聯賽中游位置的球隊曼聯尚且無法擊敗，接下來「會出錯的地方」其實更多。餘下9場賽事，雲帥話要攞足27分，不過睇睇數字就知呢件事唔易辦。計計球隊們餘下對手的平均排名，曼城的對手平均排11.4，熱刺11.5；李城同阿仙奴賽程上更有著數，對手平均排名只有12.1、12.7，曼聯呢？係10.1，即係佢對嘅強敵比上面幾隊球隊都要多。作客曼城、熱刺、韋斯咸，無一場唔係硬仗；就算愛華頓、李斯特城可以在主場迎戰，不過都唔易食。會出錯的盡出錯？最少對強隊有呢個心態，基本上已輸咗一半。
而作戰頻率曼聯其實都非同一般，李城本身無哂盃賽纏身，9場波就係9場波，唔駛分心、唔駛留力，盡做就得。而曼聯呢？分身歐霸、足總盃，計計埋埋隨時仲有20場比賽要打，加上球隊大半隊都打緊「十字軍11人」，起用青年軍不特止仲要一班「童兵」應付幾路戰線，唔好講成績，能夠派出足夠兵源已經係萬幸。
簡單講，對手強、賽程密、傷兵多，唯一可以扭轉戰局的睇嚟只有心態，不過今季曼聯的精神面貌弱如玻璃，無咩火氣時又無咩激情，平平淡淡要打出凌人盛勢真係有啲強人所難…唔係話潑冷水嘅，只係筆者唔太睇好，應該都係平平淡淡咩都無完成賽季機會大啲喇…大家準備好未呢？
請按此登錄後留言。未成為會員? 立即註冊