評論的文章寫得多了，新聞亦寫得多了，轉會？受傷？這一些可能都是足球的常態，筆者都寫得多了。回望一下，我們這個專區亦已經開設了4年多、接近5年了。(不用擔心，專區唔係摺埋XD)經歷了那些年，一直以來都希望專區可以客觀一點點，不用太多熾熱的情感、只要報導事實，間唔中有啲評論，似乎感覺都唔錯。不過，最近筆者就有啲啲諗法上的改變。因為，依家曼聯實在太悶了、太欠缺情感了。所以，不如又寫一啲少少唔同嘅嘢，睇下大家又點睇呢？
呢一種文章筆者好少寫，依家有啲啲想講下感情、搧下情。講到睇曼聯，其實筆者絕唔係啲咩終極粉絲，邊個名宿都識、邊段歷史都知，筆者未去到咁神；追曼聯亦唔係好長時間。不過，都叫做睇曼聯睇咗十幾年，總有啲自己嘅諗法。你話邊場波好有感覺？好多大戰都好有感覺，不過最難忘唔係咩雙紅會、奪冠戰，而係一場好常規嘅比賽：熱刺2001年主場對曼聯。好簡單，上半場曼聯已經輸到3球，當時仲係小朋友嘅我當然好氣餒，直情想熄電視。不過老爸就話：睇埋先啦，波係圓嘅。之後點？追下一球、追下一球，望望個分牌一下一下加上去，唔經唔覺已經大叫咗5次，最終愛隊竟然反勝5球，用番當年術語「球迷奇遇記」嚟形容真係啱到無可再啱。那些年之後，爵爺咬香口膠同吹風筒嘅樣無離開過我屋企個電視，連屋企90幾歲嘅老人家都好記得(雖然佢依家仲勁，佢睇奧蘇利雲同卓林普)。
https://www.youtube.com/watch?v=N0ntFF18xfY
係唔係勝利球迷？筆者都唔知自己係唔係，不過最喜歡曼聯的應該唔係冠軍、唔係勝仗，而係氣魄。輸咩？打返上嚟囉。對強隊咩？唔怕，鏟落去囉。人哋茅咩？爵爺唔鬧，史高斯、朗尼都會叫出嚟。其實嗰種痴迷，有啲似睇海賊王：成班人唔理一切，為咗一個目標爭戰，其實都唔理冠軍唔冠軍，一場一場計，被人入波心沉一沉，再為球隊打氣，因為試過連輸3球都可以追得返，今仗又點會無可能。
呢一種氣魄，其實到爵爺執教最後幾年都已經淡咗好多，因為雖然都仲有「阿歷斯大風筒」，不過場入面真係少好多激情、少好多energy。最喜歡睇未收火嘅朗尼同埋維迪里奧，因為隊中最有火已經得返佢哋。點解睇楊格硬係唔順眼？因為佢真係無火。到咗今日，連風筒都無埋，咩熱烈氣氛都無哂。朗尼又收火，連場邊教練都唔出聲，好難無一種曼聯已經唔係曼聯的感覺。
從來從來都唔認為曼聯係歐洲最強球隊，因為睇埋巴塞皇馬拜仁你就知咩係最頂級足球，所以亦從來唔奢望曼聯可以年年歐聯冠軍。然而最少，比激情、比熱血、比汗水，曼聯絕唔應該輸畀人。只係呢一刻，好多嘢都已經返唔到轉頭，因為啲火莫耶斯有份淋熄、雲高爾有份淋熄，更重要嘅係爵爺其實都有份。
總結，唔講咁多，睇段片。
https://www.youtube.com/watch?v=L5_yG9qFwv8
無錯，呢啲先係筆者熟悉嘅曼聯，喜歡的曼聯。會唔會有機會見得返？其實除咗尼維尼兄弟返嚟教呢個option之外，曼聯陣中仲有一個人，佢一樣有呢一種火。佢上位教曼聯，唔一定可以扭轉頹勢，最悲哀的情況下同隔離一樣26年無冠都唔奇，不過筆者認為只有佢先可以帶返以前嗰隊吸引幾億人喜歡嘅曼聯返嚟。如果因為「勝利」先捧一隊波就叫「勝利球迷」，咁因為「熱血」而捧一隊波的話，係唔係應該叫「熱血球迷」呢？如果真係可以見返以前的熱血曼聯，就算紅魔鬼變中型班、年年攞第7，筆者都會繼續力捧。如果你都係咁諗，或者你都係「熱血球迷」！
呢一種文章筆者好少寫，依家有啲啲想講下感情、搧下情。講到睇曼聯，其實筆者絕唔係啲咩終極粉絲，邊個名宿都識、邊段歷史都知，筆者未去到咁神；追曼聯亦唔係好長時間。不過，都叫做睇曼聯睇咗十幾年，總有啲自己嘅諗法。你話邊場波好有感覺？好多大戰都好有感覺，不過最難忘唔係咩雙紅會、奪冠戰，而係一場好常規嘅比賽：熱刺2001年主場對曼聯。好簡單，上半場曼聯已經輸到3球，當時仲係小朋友嘅我當然好氣餒，直情想熄電視。不過老爸就話：睇埋先啦，波係圓嘅。之後點？追下一球、追下一球，望望個分牌一下一下加上去，唔經唔覺已經大叫咗5次，最終愛隊竟然反勝5球，用番當年術語「球迷奇遇記」嚟形容真係啱到無可再啱。那些年之後，爵爺咬香口膠同吹風筒嘅樣無離開過我屋企個電視，連屋企90幾歲嘅老人家都好記得(雖然佢依家仲勁，佢睇奧蘇利雲同卓林普)。
https://www.youtube.com/watch?v=N0ntFF18xfY
係唔係勝利球迷？筆者都唔知自己係唔係，不過最喜歡曼聯的應該唔係冠軍、唔係勝仗，而係氣魄。輸咩？打返上嚟囉。對強隊咩？唔怕，鏟落去囉。人哋茅咩？爵爺唔鬧，史高斯、朗尼都會叫出嚟。其實嗰種痴迷，有啲似睇海賊王：成班人唔理一切，為咗一個目標爭戰，其實都唔理冠軍唔冠軍，一場一場計，被人入波心沉一沉，再為球隊打氣，因為試過連輸3球都可以追得返，今仗又點會無可能。
呢一種氣魄，其實到爵爺執教最後幾年都已經淡咗好多，因為雖然都仲有「阿歷斯大風筒」，不過場入面真係少好多激情、少好多energy。最喜歡睇未收火嘅朗尼同埋維迪里奧，因為隊中最有火已經得返佢哋。點解睇楊格硬係唔順眼？因為佢真係無火。到咗今日，連風筒都無埋，咩熱烈氣氛都無哂。朗尼又收火，連場邊教練都唔出聲，好難無一種曼聯已經唔係曼聯的感覺。
從來從來都唔認為曼聯係歐洲最強球隊，因為睇埋巴塞皇馬拜仁你就知咩係最頂級足球，所以亦從來唔奢望曼聯可以年年歐聯冠軍。然而最少，比激情、比熱血、比汗水，曼聯絕唔應該輸畀人。只係呢一刻，好多嘢都已經返唔到轉頭，因為啲火莫耶斯有份淋熄、雲高爾有份淋熄，更重要嘅係爵爺其實都有份。
總結，唔講咁多，睇段片。
https://www.youtube.com/watch?v=L5_yG9qFwv8
無錯，呢啲先係筆者熟悉嘅曼聯，喜歡的曼聯。會唔會有機會見得返？其實除咗尼維尼兄弟返嚟教呢個option之外，曼聯陣中仲有一個人，佢一樣有呢一種火。佢上位教曼聯，唔一定可以扭轉頹勢，最悲哀的情況下同隔離一樣26年無冠都唔奇，不過筆者認為只有佢先可以帶返以前嗰隊吸引幾億人喜歡嘅曼聯返嚟。如果因為「勝利」先捧一隊波就叫「勝利球迷」，咁因為「熱血」而捧一隊波的話，係唔係應該叫「熱血球迷」呢？如果真係可以見返以前的熱血曼聯，就算紅魔鬼變中型班、年年攞第7，筆者都會繼續力捧。如果你都係咁諗，或者你都係「熱血球迷」！
請按此登錄後留言。未成為會員? 立即註冊