「摩連奴搵工」有機會成為新嘅網路用辭，因為佢搵工嘅方式絕對係典範！espn收到風，摩帥為咗可以成為魔帥，特登寫咗一封6頁紙嘅長信畀曼聯高層，當中痛陳利害、分析曼聯現時情況，有哂曼聯改善計劃喺入面，仲道出自己有幾想做曼聯教頭。而寫呢一封信嘅原因，來自曼聯高層仲有阻力，認為佢唔適合教曼聯。
不過佢經理人文迪斯就快快手出聲名話摩連奴唔會咁「低莊」：「摩連奴級數嘅領隊寫信搵工？荒謬、胡鬧，唔可能。」不過其實唔駛咁大反應嘅，誠意嘅嘢，總好過寸寸貢等JOB嘛！而之所以有曼聯高層唔想佢入主，原因係摩連奴個底花花哋，亂講嘢同帶點橫蠻的管治固然令人卻步，而佢嘅防守足球、唔肯用青訓都令某啲高層唔喜歡摩帥。
不過講到呢到，就忍唔住要睇下依家曼聯，防守足球唔喜歡？咁雲帥打緊嘅應該係衰過防守足球，因為攻守都失據；青訓叫做用得多，波夫域積遜、麥尼亞都有啲機會上陣，不過摩帥來到佢哋都好大機會失去上陣機會架喇…只不過話又說回來，筆者始終都係覺得傑斯先係曼聯長久的真領隊人選，佢嘅治軍理念應該同爵爺夠哂似，加上一班青訓都係佢睇住大，一定有機會上陣。摩帥點睇都係替工，教個3年、5年就走，到時傑斯上台嚟個廿年紅魔大觀，咁先係曼聯高層最想見到的。咁情況的話，放低成見、接納下摩帥的誠意，其實都唔係壞事噃！
source: http://www.espnfc.com/manchester-united/story/2793019/jose-mourinho-writes-letter-to-man-united-with-plan--sources
不過佢經理人文迪斯就快快手出聲名話摩連奴唔會咁「低莊」：「摩連奴級數嘅領隊寫信搵工？荒謬、胡鬧，唔可能。」不過其實唔駛咁大反應嘅，誠意嘅嘢，總好過寸寸貢等JOB嘛！而之所以有曼聯高層唔想佢入主，原因係摩連奴個底花花哋，亂講嘢同帶點橫蠻的管治固然令人卻步，而佢嘅防守足球、唔肯用青訓都令某啲高層唔喜歡摩帥。
不過講到呢到，就忍唔住要睇下依家曼聯，防守足球唔喜歡？咁雲帥打緊嘅應該係衰過防守足球，因為攻守都失據；青訓叫做用得多，波夫域積遜、麥尼亞都有啲機會上陣，不過摩帥來到佢哋都好大機會失去上陣機會架喇…只不過話又說回來，筆者始終都係覺得傑斯先係曼聯長久的真領隊人選，佢嘅治軍理念應該同爵爺夠哂似，加上一班青訓都係佢睇住大，一定有機會上陣。摩帥點睇都係替工，教個3年、5年就走，到時傑斯上台嚟個廿年紅魔大觀，咁先係曼聯高層最想見到的。咁情況的話，放低成見、接納下摩帥的誠意，其實都唔係壞事噃！
source: http://www.espnfc.com/manchester-united/story/2793019/jose-mourinho-writes-letter-to-man-united-with-plan--sources
請按此登錄後留言。未成為會員? 立即註冊