雙紅會眾紅魔更衣室鬧交？

曼聯1:0小勝利物浦一仗，雖然贏得驚險兼說服力欠奉，不過最少都有3分落袋。其實打得唔好，唔係球迷先睇到嘅，連球員自己都知，半場時一眾紅魔鬼就在晏菲路的更衣室中口角、爭吵。

事件先由紅軍主將馬馬度沙高披露：「今仗我哋無運。半場時我哋聽到曼聯喺自己更衣室互相指罵，表現出我哋其實佔哂上風。」睇開專區都知筆者好少將傳聞寫到好實，今次用字硬淨啲，因為連舒尼達連都確認真有其事：「上半場我哋好多時都爭唔到波，有時贏得第一次觸球機會，不過好快就失返控球權。所以更衣室入面出現咗啲尖叫同大喝，原因係大家都唔想輸雙紅會。利物浦好多高位逼搶，我哋知只要可以保持不失，就有機會可以擊敗佢哋。下半場我哋做到咗，入一球、保持強韌，最初取得3分真好。」
呢一個小事件對於曼聯是好是壞？之前雲高爾話，曼聯球員對自己人太好了，無咩人互相提點，好多時都係謙虛讚人多。依家有尖叫出現喇，不過究竟係提搶定係互罵？呢一點可以差之毫釐、謬之千里，希望真係因為求勝心切先叫醒大家啦！