費sir有權決定雲高爾命運?

曼聯專區 於 22/12/2015 發表 收藏文章
上周車仔炒咗摩連奴,呢個消息令球壇非常震驚,大家晌睇車仔新聞嘅同時,都不難發現有啲曼聯球迷晌車仔新聞到留言,寫住「幾時到雲高爾?」,再加上上輪聯賽輸埋畀諾域治3連敗之後,球迷對雲高爾不滿嘅聲音越嚟越高,而英國《鏡報》就指出曼聯方面已就近期成績開咗緊急會議,仲表明當中費Sir都被邀出席兼有權決定雲帥命運。

報道就話格拉沙將領隊一職嘅決定權,交咗畀活華特以及佢嘅團體,當中包括費Sir同前紅魔CEO基爾,話說佢哋一方面唔想錯過摩連奴,因為收到風皇馬想撬返佢返去教,另外費Sir本人亦好尊重摩連奴,好欣賞佢,使另一方面自己同雲高爾又係朋友,同埋好唔希望曼聯成為成日炒人嘅球隊,所以正處於交叉位,唔知點好……

雲高爾據稱有最心理準備,將自己命運交畀管理層,而另一方面摩連奴有計劃返葡萄牙度假,但點都好,講到咁決定性,咁希望費sir明察秋毫啲,為球迷發聲!
標籤: 費sir  雲高爾  曼聯  摩連奴  

留言


請按此登錄後留言。未成為會員? 立即註冊
  • 返身戰 於 23/12/2015 評論 NO. 1

    費蛇:講呢D!你擺我上木台呀

快捷鍵:←
快捷鍵:→