筆者好明白各有所好，雲高爾又好、哥迪奧拿又好、摩連奴又好，總係有人支持有人反對，正如當初筆者都唔太睇好雲帥一樣…不過有一位候選領隊睇落反對聲音比較少，亦比較容易為曼聯迷所接受，呢位就係前一篇文章提過嘅傑斯喇。拿，拋下磚引下玉，筆者就稍稍講下佢嘅優勢同埋缺點啦！
老老實實，要睇傑斯領軍能力真係一啲都唔易，因為佢嘅經驗真係太少喇。要講佢嘅最大弱點，一定就係呢一樣。摩連奴又好、哥帥又好，都有唔少經驗同埋獎盃，好似狂人就教波教咗15年，手上有葡超冠軍、有歐聯冠軍；有英超冠軍，又有過西甲冠軍，意甲都拎過2屆！講經驗，無得輸啦。哥帥呢？後生啲，07年先開始教波嘅佢都有3個西甲冠軍、2個德甲冠軍在手。2人名氣大、成績好，唔單止對於管理球隊有自己一套，亦對球員有好大吸引力，買人都易啲！反觀，傑斯真係擔正做領隊都只係得4場波咁大把，對球員吸引力成疑之餘，其治軍能力其實係一個謎，無人真係見過佢真正的領軍能力。如此一來，曼聯高層點會將如斯大的責任畀一個經驗、能力都無經過考核嘅「新丁」手上？
不過，無經驗而又成功嘅人又有無呢？其實有啲矛盾，因為無人一出世就有經驗，哥帥更係一出山已經教巴塞！巴塞隆拿的前任會長拉樸達就係當年起用哥帥嘅人，無咩經驗嘅哥迪奧拿之所以可以取得巴塞帥位，樸達嘅推波助瀾絕對有影響。無經驗係一個問題，不過指派自己人自有好處，哥迪奧拿作為球員時為巴塞6奪西甲，佢一執巴塞牛耳立即就贏得更衣室入面嘅尊重同支持。對比起佢，傑斯已經唔係紅魔鬼嘅代言人咁簡單，佢自己可以話係同曼聯分唔開，14歲已經加盟曼聯，30載以來對球會不離不棄，為曼聯上陣963次，可謂前無古人，後來之者亦非常難追。可以大膽講句，無一個領隊可以比佢更為熟悉曼聯，你叫邊個嚟教都要傑斯帶佢去行一轉奧脫福。佢喺隊中的威信，甚至無需要時間去建立，因為已經建立咗30年了。
延伸落去，30年來都在曼聯陣中嘅佢，身邊最好嘅朋友往往就係年年買曼聯季票嘅球迷，我哋點諗0:0的戰果？認為邊個新球員最幫到球隊？傑斯都好清楚。有咗佢，裡裡外外都應該會幾和諧。而打慣進攻足球嘅佢，做咗領軍人物之後會用邊一隻戰術，應該都唔駛筆者估啦！到時水銀瀉地嘅攻勢之下，睇怕都無球迷會再噓「進攻進攻」喇嘛？
至於領導能力，雖然無人真係好深入分析過，不過都有啲蛛絲馬跡嘅。佢嘅一個前隊友講過，傑斯只要一個眼神你就會知道佢諗咩。有唔少曼聯職工都不約而同咁講過，佢有齊做頂級教練嘅能力，有決斷力、有決心，而且不怕做決定，好似佢做代領隊時就唔理大家諗咩，將當時尚未熟悉曼聯打法、未融入球隊但係好鬼貴嘅馬達放到後備席上。點同股東交待？為咗隊波好，有咩做唔出、唔敢做。
世事就係咁，一定係有辣有唔辣，傑斯做領隊必有其利弊，只係數數手指睇嚟對球隊好處比較多而已。同樣地，你話依家炒雲高爾好唔好？雖然ESPN的調查指70%的球迷都支持請佢食「無情雞」，不過佢建立咗2年球隊，當中砌好嘅理念、邏輯一朝一夕破壞哂，對隊波嚟講都有一定的影響。唔好以為有強帥入主一定會好，高普帶利物浦都要食屈福特炒3蛋就知咩都要時間。筆者就認為未係時候炒雲帥喇，等傑斯慢慢「奪權」多一年半載先啦！你又點睇呢？
老老實實，要睇傑斯領軍能力真係一啲都唔易，因為佢嘅經驗真係太少喇。要講佢嘅最大弱點，一定就係呢一樣。摩連奴又好、哥帥又好，都有唔少經驗同埋獎盃，好似狂人就教波教咗15年，手上有葡超冠軍、有歐聯冠軍；有英超冠軍，又有過西甲冠軍，意甲都拎過2屆！講經驗，無得輸啦。哥帥呢？後生啲，07年先開始教波嘅佢都有3個西甲冠軍、2個德甲冠軍在手。2人名氣大、成績好，唔單止對於管理球隊有自己一套，亦對球員有好大吸引力，買人都易啲！反觀，傑斯真係擔正做領隊都只係得4場波咁大把，對球員吸引力成疑之餘，其治軍能力其實係一個謎，無人真係見過佢真正的領軍能力。如此一來，曼聯高層點會將如斯大的責任畀一個經驗、能力都無經過考核嘅「新丁」手上？
不過，無經驗而又成功嘅人又有無呢？其實有啲矛盾，因為無人一出世就有經驗，哥帥更係一出山已經教巴塞！巴塞隆拿的前任會長拉樸達就係當年起用哥帥嘅人，無咩經驗嘅哥迪奧拿之所以可以取得巴塞帥位，樸達嘅推波助瀾絕對有影響。無經驗係一個問題，不過指派自己人自有好處，哥迪奧拿作為球員時為巴塞6奪西甲，佢一執巴塞牛耳立即就贏得更衣室入面嘅尊重同支持。對比起佢，傑斯已經唔係紅魔鬼嘅代言人咁簡單，佢自己可以話係同曼聯分唔開，14歲已經加盟曼聯，30載以來對球會不離不棄，為曼聯上陣963次，可謂前無古人，後來之者亦非常難追。可以大膽講句，無一個領隊可以比佢更為熟悉曼聯，你叫邊個嚟教都要傑斯帶佢去行一轉奧脫福。佢喺隊中的威信，甚至無需要時間去建立，因為已經建立咗30年了。
延伸落去，30年來都在曼聯陣中嘅佢，身邊最好嘅朋友往往就係年年買曼聯季票嘅球迷，我哋點諗0:0的戰果？認為邊個新球員最幫到球隊？傑斯都好清楚。有咗佢，裡裡外外都應該會幾和諧。而打慣進攻足球嘅佢，做咗領軍人物之後會用邊一隻戰術，應該都唔駛筆者估啦！到時水銀瀉地嘅攻勢之下，睇怕都無球迷會再噓「進攻進攻」喇嘛？
至於領導能力，雖然無人真係好深入分析過，不過都有啲蛛絲馬跡嘅。佢嘅一個前隊友講過，傑斯只要一個眼神你就會知道佢諗咩。有唔少曼聯職工都不約而同咁講過，佢有齊做頂級教練嘅能力，有決斷力、有決心，而且不怕做決定，好似佢做代領隊時就唔理大家諗咩，將當時尚未熟悉曼聯打法、未融入球隊但係好鬼貴嘅馬達放到後備席上。點同股東交待？為咗隊波好，有咩做唔出、唔敢做。
世事就係咁，一定係有辣有唔辣，傑斯做領隊必有其利弊，只係數數手指睇嚟對球隊好處比較多而已。同樣地，你話依家炒雲高爾好唔好？雖然ESPN的調查指70%的球迷都支持請佢食「無情雞」，不過佢建立咗2年球隊，當中砌好嘅理念、邏輯一朝一夕破壞哂，對隊波嚟講都有一定的影響。唔好以為有強帥入主一定會好，高普帶利物浦都要食屈福特炒3蛋就知咩都要時間。筆者就認為未係時候炒雲帥喇，等傑斯慢慢「奪權」多一年半載先啦！你又點睇呢？
請按此登錄後留言。未成為會員? 立即註冊