其實唔駛你講，球迷已經選擇噓你多於球員…上仗調動費蘭尼入替馬迪爾，由朗尼繼續領軍已經令唔少球迷好不滿，又噓又大叫「進攻進攻」，無他，曾經以攻擊水銀瀉地而聞名的曼聯，今季至今只得15球進賬，為7隊榜前列份子中最慘不忍睹(第8位的利物浦有12個入波)。對於球迷的噓聲，雲帥似係「意見接受，情況照舊」。
佢咁講：「球迷要支持球員，無咗你哋球員在奧脫福作賽會好難戰鬥落去。我明，球迷嘅批判從來都係純粹而真實，佢哋嘅感覺就係感覺，無得呃人；而我哋亦要為球迷而戰。但我都同樣要重申，球迷要明白比賽，要知道對手對我哋有幾忌憚、所以偏向防守。大家都要有自己的分析力。我唯一可以做的，就是希望球迷噓我而唔係噓球員。為曼聯作賽好大壓力，喺奧脫福坐下你就感受得到。負面氣氛、聲音，對球員都唔係好事。所以噓我啦，我一生人都唔知畀人噓幾多次，慣架喇。」
睇嚟大家仲有排噓，因為雲帥短期內應該都仲撐表現麻麻的朗尼：「對手質素影響排陣，更進一步講球員都好依賴朗尼嘅質素。我要為球隊增加平衡，所以我要換陣。如果要換人，一定係呢個轉變可以傷害對手，有機會對對手有影響我就會試。呢個就係今季朗尼打輔鋒多過中場的原因。」
講句公道說話，先唔好理雲帥的戰術啱唔啱曼聯，佢同球員共同進退的心都幾明顯，護住一班小伙子、將責任都自己背負哂，總比有啲球會疑似出現「逼宮」、有球員話「為咗領隊我寧願輸波」好好多了。唔驚嘅，大家噓少啲，曼聯又上返力、攻擊好返，情況應該就會好架喇！同埋依家離榜首都係4分啫，情況其實唔太壞，大家要耐心啲！繼續噓雲帥啦！
對陣西布朗軍情：華倫西亞受傷未能出戰；舒尼達連復操但上陣機會成疑；達美安5張黃牌停賽一場，楊格好可能又要做替工打右閘…
佢咁講：「球迷要支持球員，無咗你哋球員在奧脫福作賽會好難戰鬥落去。我明，球迷嘅批判從來都係純粹而真實，佢哋嘅感覺就係感覺，無得呃人；而我哋亦要為球迷而戰。但我都同樣要重申，球迷要明白比賽，要知道對手對我哋有幾忌憚、所以偏向防守。大家都要有自己的分析力。我唯一可以做的，就是希望球迷噓我而唔係噓球員。為曼聯作賽好大壓力，喺奧脫福坐下你就感受得到。負面氣氛、聲音，對球員都唔係好事。所以噓我啦，我一生人都唔知畀人噓幾多次，慣架喇。」
睇嚟大家仲有排噓，因為雲帥短期內應該都仲撐表現麻麻的朗尼：「對手質素影響排陣，更進一步講球員都好依賴朗尼嘅質素。我要為球隊增加平衡，所以我要換陣。如果要換人，一定係呢個轉變可以傷害對手，有機會對對手有影響我就會試。呢個就係今季朗尼打輔鋒多過中場的原因。」
講句公道說話，先唔好理雲帥的戰術啱唔啱曼聯，佢同球員共同進退的心都幾明顯，護住一班小伙子、將責任都自己背負哂，總比有啲球會疑似出現「逼宮」、有球員話「為咗領隊我寧願輸波」好好多了。唔驚嘅，大家噓少啲，曼聯又上返力、攻擊好返，情況應該就會好架喇！同埋依家離榜首都係4分啫，情況其實唔太壞，大家要耐心啲！繼續噓雲帥啦！
對陣西布朗軍情：華倫西亞受傷未能出戰；舒尼達連復操但上陣機會成疑；達美安5張黃牌停賽一場，楊格好可能又要做替工打右閘…
請按此登錄後留言。未成為會員? 立即註冊