一比零擊敗了中央陸軍，朗尼呢一頭終於終結紅魔鬼13日12個小時嘅入球荒，不過最扣人心弦嘅畫面，一定係咁多年來都罕見嘅「球迷狂噓紅魔主帥」一幕。打咗66分鐘都未開紀錄，雲帥決定換人，不過唔係換走近日被批評得體無完膚嘅朗尼，而係用費蘭尼換馬迪爾，一時之間全場噓聲雷動，衛報甚至如此報導：「以前奧脫福有聽過呢一隻噓聲？我都唔肯定。費蘭尼入替、馬迪爾的離場，球迷反應幾乎係反抗！」
雲帥當然唔可能視若無睹：「我聽到，點會聽唔到，呢啲係球迷嘅意見。不過，我估佢哋對於結果唔會太失望。就算喺曼聯的黃金時期都從未在主場贏過一隊俄羅斯球隊，人人都以為好易，其實真係好難。我真係鬆一口氣，因為你見到一隊攻擊性好強嘅曼聯可以喺一隊好有系統的球隊身上製造好多埋門機會。入波唔易，我哋要等一段時間先有機會。球隊控制了89分鐘的比賽，只是有一分鐘的鬆懈就差啲輸波。如果杜姆比亞先入波，我就唔會呢個心情坐喺到喇。不過我哋值得贏波嘅。」
其實開波之前球迷已經大叫「進攻進攻」，雲帥的保守戰術真係已經到一個臨界點。前曼聯球員簡察斯基在賽前已經話曼聯實在太過「生硬」：「雲高爾太過『務實』，球員好似機械人咁有特定工作，所有都在嚴謹的框架入面進行，球員唔可以有自己的諗法，同爵爺當年的做法大相徑庭。佢當然係一位好教練，不過我認為佢唔係曼聯需要的領隊。」今仗曼聯係有進步咗，進攻多咗、有威脅咗，不過仍然只可以小勝一場，而球迷對雲帥的指揮已經有不滿；簡察斯基、史高斯等等曼聯的名宿都開始頂佢唔順，喺風雨飄搖嘅日子雲帥應該如何自處？調整一定要做，不過千祈唔好好似車仔咁將帥不和之餘球隊又受影響…
如果、真係，傑斯成為曼聯下一任領隊的話，會唔會可以帶返以前嘅曼聯返嚟呢？定係，新曼聯理應要有新曼聯的風格？保守、計算、小心嘅曼聯，你又支唔支持？
雲帥當然唔可能視若無睹：「我聽到，點會聽唔到，呢啲係球迷嘅意見。不過，我估佢哋對於結果唔會太失望。就算喺曼聯的黃金時期都從未在主場贏過一隊俄羅斯球隊，人人都以為好易，其實真係好難。我真係鬆一口氣，因為你見到一隊攻擊性好強嘅曼聯可以喺一隊好有系統的球隊身上製造好多埋門機會。入波唔易，我哋要等一段時間先有機會。球隊控制了89分鐘的比賽，只是有一分鐘的鬆懈就差啲輸波。如果杜姆比亞先入波，我就唔會呢個心情坐喺到喇。不過我哋值得贏波嘅。」
其實開波之前球迷已經大叫「進攻進攻」，雲帥的保守戰術真係已經到一個臨界點。前曼聯球員簡察斯基在賽前已經話曼聯實在太過「生硬」：「雲高爾太過『務實』，球員好似機械人咁有特定工作，所有都在嚴謹的框架入面進行，球員唔可以有自己的諗法，同爵爺當年的做法大相徑庭。佢當然係一位好教練，不過我認為佢唔係曼聯需要的領隊。」今仗曼聯係有進步咗，進攻多咗、有威脅咗，不過仍然只可以小勝一場，而球迷對雲帥的指揮已經有不滿；簡察斯基、史高斯等等曼聯的名宿都開始頂佢唔順，喺風雨飄搖嘅日子雲帥應該如何自處？調整一定要做，不過千祈唔好好似車仔咁將帥不和之餘球隊又受影響…
如果、真係，傑斯成為曼聯下一任領隊的話，會唔會可以帶返以前嘅曼聯返嚟呢？定係，新曼聯理應要有新曼聯的風格？保守、計算、小心嘅曼聯，你又支唔支持？
請按此登錄後留言。未成為會員? 立即註冊