真係好令人感慨，因為曼聯同以前比真係改變好多，好壞筆者真係唔敢講，但係方丈嘅小氣真係咁多年來都無變過，由李華度、列貝利、高路斯、東尼到依家都一樣。呢樣嘢，其實令筆者點都對方丈有保留…睇到域陀華迪斯最近一個twitter post，真係令人聞者傷心。個post咁講：「1600。完成！今日訓練課完成！多謝教練費特斯，我明天會繼續努力的。謝謝大家的支持。」費特斯（Alan Fettis）係曼聯門將嘅青訓教練，而睇相就睇到，華迪斯依家嘅生活就只有空無一物嘅更衣室，同埋一位青訓教練……6度奪得西甲冠軍嘅VV，依家簡直就同活活受罪無分別：唔可以同隊友一齊訓練，無得打一隊之餘無得打預備組，更唔好提歐國盃外圍賽、國家隊正選。
33歲對於一位龍門而言一定唔算老，雲達沙甚至打到41，對於VV呢位世界級門將而言，呢個待遇真係太過份…而當中少不免有羅生門，雲帥話佢「佢唔跟我哋個足球哲學，唔跟就無得留低。華迪斯唔肯為u21上陣，所以我唔會再用佢。」不過曼聯u21領隊華倫載斯就唔係咁睇，佢話VV係球員嘅好榜樣，同好多年輕球員比佢好專注，而且有領袖風範，曾經用演說激勵u21嘅人心，甚至可以成為球隊的精神人物。
對於佢，一班西班牙幫其實都希望伸出援手，當中又以馬達最為大膽，因為佢連方丈都唔驚：「方丈與域陀發生咩事？我真係唔知，你最好問返佢兩個。不過我估，你問VV會有一個答案，問雲帥會有另一個答覆。我可以做嘅只可以置身事外，在困難的時刻支持華迪斯，並表現得專業一點，止此而已。真的很可惜，他是一位很好的門將，經歷了一次重傷之後，所有的事情都好像變差了。我很喜歡他，我們分享很多，在曼聯或是其他的事情上。他有能力繼續爭戰，可以再表現出他是一位偉大門將。這真是不幸，由受傷、傷癒到之後的事，都充斥不幸…不過我深信這不是結局，因為我知他會再次感受作為一位球員的感受。」
筆者都深信，域陀華迪斯一定仲有球員生涯另一頁，未必喺曼聯，亦未必喺英超，可能佢冬天就離隊，可能佢黯然完約…無論點，雲帥呢一著對自己、對球隊、對VV都唔係好事，呢一條刺對於球員而言真係揮之不去…只不過，諗返轉頭爵爺都係同球員一個不合就將其掃地出門，碧咸、堅尼、史譚無一個可以留低，如果要抨擊雲帥小氣，好應該連爵爺嗰疊都燒埋。方丈治軍唔通真係曼聯傳統？如果下任真係傑斯接棒，會唔會都要繼承呢個「領隊我最大」的意志呢？呢點，筆者都望唔透…
空無一物的更衣室...
33歲對於一位龍門而言一定唔算老，雲達沙甚至打到41，對於VV呢位世界級門將而言，呢個待遇真係太過份…而當中少不免有羅生門，雲帥話佢「佢唔跟我哋個足球哲學，唔跟就無得留低。華迪斯唔肯為u21上陣，所以我唔會再用佢。」不過曼聯u21領隊華倫載斯就唔係咁睇，佢話VV係球員嘅好榜樣，同好多年輕球員比佢好專注，而且有領袖風範，曾經用演說激勵u21嘅人心，甚至可以成為球隊的精神人物。
對於佢，一班西班牙幫其實都希望伸出援手，當中又以馬達最為大膽，因為佢連方丈都唔驚：「方丈與域陀發生咩事？我真係唔知，你最好問返佢兩個。不過我估，你問VV會有一個答案，問雲帥會有另一個答覆。我可以做嘅只可以置身事外，在困難的時刻支持華迪斯，並表現得專業一點，止此而已。真的很可惜，他是一位很好的門將，經歷了一次重傷之後，所有的事情都好像變差了。我很喜歡他，我們分享很多，在曼聯或是其他的事情上。他有能力繼續爭戰，可以再表現出他是一位偉大門將。這真是不幸，由受傷、傷癒到之後的事，都充斥不幸…不過我深信這不是結局，因為我知他會再次感受作為一位球員的感受。」
筆者都深信，域陀華迪斯一定仲有球員生涯另一頁，未必喺曼聯，亦未必喺英超，可能佢冬天就離隊，可能佢黯然完約…無論點，雲帥呢一著對自己、對球隊、對VV都唔係好事，呢一條刺對於球員而言真係揮之不去…只不過，諗返轉頭爵爺都係同球員一個不合就將其掃地出門，碧咸、堅尼、史譚無一個可以留低，如果要抨擊雲帥小氣，好應該連爵爺嗰疊都燒埋。方丈治軍唔通真係曼聯傳統？如果下任真係傑斯接棒，會唔會都要繼承呢個「領隊我最大」的意志呢？呢點，筆者都望唔透…
空無一物的更衣室...
請按此登錄後留言。未成為會員? 立即註冊