對紐卡素和波之後，曼聯雖然仍然身在聯賽的前幾名，不過比起曼城當然係仲差好遠，更唔好話有德甲多蒙特2場攻入8球的霸氣。呢個時候雲帥就繼續讚好隊波：「我哋對表現滿意，只係對賽果唔滿意。我哋只係無運，不過其實製造好多機會。隊伍比賽得很美妙，因為我們有戰意戰至最後一刻。我喜歡球迷的歡呼，我只是不喜歡贏唔到波。」
對此，史高斯就嗤之以鼻：「雲帥用了幾次『美妙』，不過何『美妙』之有？主場對紐卡素，我哋期望係贏波囉。對面龍門撲過一次波咋，『美妙』？我唔認同囉。曼城就真係嚇親我喇。你見到佢哋入嘅波真係無得彈。我望住自己隊入面嘅情況，我望唔透，我見唔到有同樣具震懾力的入球。我見唔到入球可以來自任何一位球員。如果朗尼唔入波，邊個負責入？小豆可能得，迪比都應該得。不過我見唔到其他人有入波的機會，人人都識入波係每一隊都需要的。」
全民皆兵、人人入波論確係好重要，問題係曼聯家下連一位穩定入球的前鋒都無，點可以要求其他人做埋佢嗰份呢？史高斯就認為，一切應該由前鋒開始，最少要有一位成日入波的人保證球隊的勝率：「中鋒一定係曼聯優先考慮的，因為依家入球數真係遠遠不足，邊個位置嘅入波都係咁講架喇。需要多過一位前鋒，係真架。小豆、威爾遜都係好球員，不過上季佢哋都難以把握上陣的機會打出水準。我諗緊，可唔可以畀伊巴謙莫域試一年？可能佢可以做到雲佩斯當年首季加盟的效果。我唔關心佢同雲帥的關係，我關心佢係唔係可以為曼聯入到波。我認為球隊的板凳深度其實夠，佢哋有足夠的好球員在後備席上，只係中鋒真係唔多夠。」
其實早前高爾都認為曼聯應該要多一位世界級前鋒，不過佢就認為賓施馬、卡雲尼可以做到。筆者自己就認同史高斯嘅，橫豎呂布同雲高爾都係無腳雀仔，2個都唔停得喺同一個地方好耐，等佢哋一齊爆發一下、發一次光都未必唔係好事…伊巴以超怪腳著名，無可能的位置都可以攻到門，以依家曼聯的突破力而言，伊巴真係幫到手架……
對此，史高斯就嗤之以鼻：「雲帥用了幾次『美妙』，不過何『美妙』之有？主場對紐卡素，我哋期望係贏波囉。對面龍門撲過一次波咋，『美妙』？我唔認同囉。曼城就真係嚇親我喇。你見到佢哋入嘅波真係無得彈。我望住自己隊入面嘅情況，我望唔透，我見唔到有同樣具震懾力的入球。我見唔到入球可以來自任何一位球員。如果朗尼唔入波，邊個負責入？小豆可能得，迪比都應該得。不過我見唔到其他人有入波的機會，人人都識入波係每一隊都需要的。」
全民皆兵、人人入波論確係好重要，問題係曼聯家下連一位穩定入球的前鋒都無，點可以要求其他人做埋佢嗰份呢？史高斯就認為，一切應該由前鋒開始，最少要有一位成日入波的人保證球隊的勝率：「中鋒一定係曼聯優先考慮的，因為依家入球數真係遠遠不足，邊個位置嘅入波都係咁講架喇。需要多過一位前鋒，係真架。小豆、威爾遜都係好球員，不過上季佢哋都難以把握上陣的機會打出水準。我諗緊，可唔可以畀伊巴謙莫域試一年？可能佢可以做到雲佩斯當年首季加盟的效果。我唔關心佢同雲帥的關係，我關心佢係唔係可以為曼聯入到波。我認為球隊的板凳深度其實夠，佢哋有足夠的好球員在後備席上，只係中鋒真係唔多夠。」
其實早前高爾都認為曼聯應該要多一位世界級前鋒，不過佢就認為賓施馬、卡雲尼可以做到。筆者自己就認同史高斯嘅，橫豎呂布同雲高爾都係無腳雀仔，2個都唔停得喺同一個地方好耐，等佢哋一齊爆發一下、發一次光都未必唔係好事…伊巴以超怪腳著名，無可能的位置都可以攻到門，以依家曼聯的突破力而言，伊巴真係幫到手架……
請按此登錄後留言。未成為會員? 立即註冊