相信唔少球迷對大衛美爾（David May）的印象，就係佢喺歐聯貢獻嘅機會唔多，不過都仍然成為捧起三冠王的球員之一，就連上年華美倫都被人揶揄為似足美爾，同樣都係無咩上陣都攞到歐聯獎牌…不過效力曼聯近10載的美爾其實真係夠哂資歷談曼聯架！佢最近就評論咗曼聯今季的開局，認為防守力強化係曼聯今季最重要的進步。
開季至今只係2場波當然唔可以用來做咩標準啦，不過未開咧時筆者其實都幾擔心，因為曼聯條後防線真係唔太信得過咁：達美安只係剛剛登陸英超，適唔適應成疑；白蘭特唔係正統的中堅；梳爾有潛質有能力，不過驚驚青青的情況都仲係成日出現；而史摩寧就更加係另一個計時炸彈…不過以上的諗法，睇嚟都係筆者的幻想而已！呢條令人喜出望外的後防線比想像中出色，面對哈里卡尼領軍嘅熱刺攻擊線都防守得合格。究竟咩令佢哋打出水準呢？
而美爾就如此評論：「佢哋真係好出色，有幾個原因令佢哋打得唔錯。首先達美安真係極速融入球隊，佢有足夠的卡士去擔任意軍的右後衛正選。比起上季要用華倫西亞打右閘真係合適好多。不過更重要嘅係，史摩寧已經發展成曼聯的首席中堅了。佢已經變成後防的領袖，有速度、能夠將皮球快速運離危險區域，而且唔會輕易放對手越過自己。佢上季季尾已經打得好好，我對佢嘅懷疑都已經消失了。佢強壯、有膽色，而且有閱讀球賽的能力，為球隊帶來平衡。雲高爾真係將最好的史摩寧發掘出來了。佢拍檔白蘭特在阿積士都打過中堅，好有經驗之餘，佢同史摩寧的配合令我諗起布魯士（Steve Bruce）同巴里斯達（Gary Pallister）。白蘭特同布魯士都唔算快，不過史摩寧同巴里斯達就好似，以速度去清掃危機。」
將佢哋同傳奇組合布魯士、巴里斯達相提並論，就知美爾對2人的讚賞有幾強。而史摩寧之所以「返生」，一方面固然同佢自己嘅信心、能力增強有關啦，不過另一方面隊友的協作亦係非常關鍵。達美安係其中一個令史摩寧放心的人物，比起拉菲爾、華倫西亞等人，達美安較為穩健派，防守第一、助攻第二，令到後防失位的空間較少，亦經常可以支援史摩寧、令其不必下下出迎。而舒拉達連亦提供到一定的防守支援，因為佢嘅利落搶截亦減少後防不少壓力。而白蘭特同史摩寧更加係一凹一凸：一個制空強一個靈活、一個撞得一個截波得、一個傳送唔強一個擅長交波，於是乎一個意想不到嘅有效組合就出現咗喇。只係呢條4人防線係唔係真係經得起考驗呢？對紐卡素時可能仍然未受好大壓力，不過對強隊時就真係要拭目以待喇！
美爾
開季至今只係2場波當然唔可以用來做咩標準啦，不過未開咧時筆者其實都幾擔心，因為曼聯條後防線真係唔太信得過咁：達美安只係剛剛登陸英超，適唔適應成疑；白蘭特唔係正統的中堅；梳爾有潛質有能力，不過驚驚青青的情況都仲係成日出現；而史摩寧就更加係另一個計時炸彈…不過以上的諗法，睇嚟都係筆者的幻想而已！呢條令人喜出望外的後防線比想像中出色，面對哈里卡尼領軍嘅熱刺攻擊線都防守得合格。究竟咩令佢哋打出水準呢？
而美爾就如此評論：「佢哋真係好出色，有幾個原因令佢哋打得唔錯。首先達美安真係極速融入球隊，佢有足夠的卡士去擔任意軍的右後衛正選。比起上季要用華倫西亞打右閘真係合適好多。不過更重要嘅係，史摩寧已經發展成曼聯的首席中堅了。佢已經變成後防的領袖，有速度、能夠將皮球快速運離危險區域，而且唔會輕易放對手越過自己。佢上季季尾已經打得好好，我對佢嘅懷疑都已經消失了。佢強壯、有膽色，而且有閱讀球賽的能力，為球隊帶來平衡。雲高爾真係將最好的史摩寧發掘出來了。佢拍檔白蘭特在阿積士都打過中堅，好有經驗之餘，佢同史摩寧的配合令我諗起布魯士（Steve Bruce）同巴里斯達（Gary Pallister）。白蘭特同布魯士都唔算快，不過史摩寧同巴里斯達就好似，以速度去清掃危機。」
將佢哋同傳奇組合布魯士、巴里斯達相提並論，就知美爾對2人的讚賞有幾強。而史摩寧之所以「返生」，一方面固然同佢自己嘅信心、能力增強有關啦，不過另一方面隊友的協作亦係非常關鍵。達美安係其中一個令史摩寧放心的人物，比起拉菲爾、華倫西亞等人，達美安較為穩健派，防守第一、助攻第二，令到後防失位的空間較少，亦經常可以支援史摩寧、令其不必下下出迎。而舒拉達連亦提供到一定的防守支援，因為佢嘅利落搶截亦減少後防不少壓力。而白蘭特同史摩寧更加係一凹一凸：一個制空強一個靈活、一個撞得一個截波得、一個傳送唔強一個擅長交波，於是乎一個意想不到嘅有效組合就出現咗喇。只係呢條4人防線係唔係真係經得起考驗呢？對紐卡素時可能仍然未受好大壓力，不過對強隊時就真係要拭目以待喇！
美爾
請按此登錄後留言。未成為會員? 立即註冊