呂布又來了！伊巴謙：我下一站嚇死你！ 精選

今早輸波，當中有一球紅魔鬼就係不敵「人中呂布」伊巴謙莫域。不過佢同曼聯其實都已經拉上關係，佢早前就話自己同雲帥一定鬧交，不過又未必無機會合作，引人懷疑佢可能想「成魔」，呢一個說法可能再進一步敲釘轉腳！

「呂布」咁講：「我下一站去邊？呢個將會係驚喜，非常大的驚喜。大家等下啦！不過家下我喺PSG好開心，大家有眼見架，我同PSG仲有一年約嘛。一切都變好中，我哋隊伍好強，可以做到好多以前做唔到嘅事，所以我都幾滿意。今日奪得嘅國際冠軍盃只係為賽季做準備而已，都唔係咩正式錦標，不過對心理、體能而言都係一個好好嘅準備。在美國15日打哂啲友誼賽，依家就要返去好好諗下對里昂的比賽了。呢個超級盃就係今年第一個正式錦標喇！可以贏就最好喇。」
早前伊巴謙莫域就講過，佢同雲帥的處事方式不同，不過自己「在哪一隊球隊都無試過同領隊合作唔到」，令人懷疑佢想「挑釁」雲帥買佢；同時雲帥亦講過自己想要一位「超級巨星」去完成自己的霸業。雖然佢講過心目中的巨星要有速度同創造力，「呂布」速度唔算快，不過創造力就真係一流，怪腳連連令對手防不勝防，某程度上都啱雲帥用。更重要嘅係，天使離隊「入門」的呼聲日高，為咗可以合乎「公平競爭原則」，真係唔排除兩隊會「交換人質」…唔通，「呂布」真係唔揀赤兔揀紅魔？？

伊巴小檔案
曾效力球賽：
馬模 (瑞典)阿積士 (荷甲)
祖雲達斯 (意甲)
國際米蘭 (意甲)
巴塞隆拿 (西甲)
AC米蘭 (意甲)
PSG (法甲)
編者按：儲佢啲波衫都幾好，成日有款可以換XD