殺出程咬金！skysports：右閘達美安加盟已開綠燈 精選

呢一位中途殺出嘅右閘達美安（Matteo Darmian）係高佬一名，25歲嘅佢係通天老倌，打中堅又得、打閘又得，不過外間認為佢打右閘最好。182cm高嘅佢係意大利人，效力拖連奴，消息指曼聯已經出價2次被拒，最終第3次以1270萬鎊買得呢位球員。

曼聯右閘其實都幾肯定有新人架喇，之前傳史密斯高文、又傳過丹尼爾，不過如果大家「信天空」的話，睇嚟真命天子都係達美安架喇！而買佢，好可能係想加強制空力。原本曼聯比較常用的拉菲爾只有173cm高，亦曾經因為佢「唔夠高」唔夠哥斯達頂而輸過一球。雲帥11月時自己都講過：「對於自由球，我哋真係無咩計，因為真係無咩高佬在陣…或者你可以建議我買下高嘅球員！」
拉菲爾最近就傳好快會離隊，聽聞加拉塔沙雷、拿玻里同費倫天拿都有興趣，只係拉菲爾同華倫西亞疊瓦進襲可能會成為歷史喇…有好有唔好啦，達美安真係來投，佢都可以勝任中堅、右閘，多個球員揀都未嘗不可嘅…只係，有得揀大家會唔會寧願揀史密斯高文呢？

達美安小傳
年齡：25歲
位置：左中右後衛都得，左右中場亦得
國藉：意大利
為拖連奴上陣28場，攻入2球、1助攻
嗯...都幾靚仔真係幾靚仔
ok靚仔