唔係講佢哋性格一冷一熱，係講緊談到曼聯下季成績，佢哋態度一冷一熱啫。係就係回到歐戰戰場，不過對於新一季可否衝擊聯賽更高位置，二人好似都有自己一套睇法噃。不過佢哋不約而同，都提到「5至6個新球員」……
舒寧咸呢就係撥冷水嘅一個，佢認為曼聯有第4唔代表啲咩，因為17分落後冠軍球隊呢個差距實在太大：「要曼聯贏聯賽冠軍實在係太難喇。唔止係佢哋，所有離冠軍球隊有咁大比分差距嘅球會，下季都唔會容易打。除非曼聯可以引入5至6個新球員，但係咁樣對球會而言係一個好大嘅改變，未必係好事。而且呢5、6個球員都必須要係非常特別嘅球員，如此先有機會可以擊敗曼城、車路士。講就易，做落真係好困難……加上有球員會走，我認為迪基亞都唔會留架喇，因為呢個夏天實在太多轉會猜測同傳言喇。同埋佢只係得一年約在身，我都幾肯定佢喺某一個時刻就會轉投皇馬。」
睇嚟舒寧咸真係對曼聯無咩信心噃…已經去咗皇馬…唔係，係去咗馬德里度假嘅迪基亞早兩日就同西班牙傳媒講自己會返曼聯集訓，當然啦唔續約都只係得一年，不過咁就有好有唔好啦，好就係呢一年我哋仲有迪基亞頂住先，而且佢一日唔走，一日都有機會同佢傾續約，可能到時會有唔同呢…唔好嘅就係，佢唔續約下年就自由身走，真係一個崩都無架喇…
另一位曼聯名宿加利仔就對紅魔鬼信心大啲，佢撥嘅唔係熱水都好，最少都暖暖哋：「雲高爾都在曼聯一年啦，佢又適應咗球會，球員又適應咗佢，化學作用會大啲架喇。咁當然有風險，如果有5至6個新球員加盟的話又要時間去夾，不過都係睇定啲先啦。總括而言，球員們應該易適應好多，因為已經跟雲帥一年，今年的起步點應該幾舒服。」言下之意，一眾舊球員真係無藉口架喇，仲話自己唔知官姓咩？咁呢一年你做過咩呢？
不過得意在，兩人都認為曼聯有機會買入5至6個球員，呢個就真係幾值得諗諗…依家來來去去都係得個迪比，反而走嘅有好多，法卡奧、蘭尼、安祖路軒歷基斯都已經離隊，小豆、雲佩斯去向未明，如果真係走咗5至6個、又買返5至6個，咁樣又夠唔夠幾條戰線用呢？家下真係考雲高爾功夫喇…
舒寧咸呢就係撥冷水嘅一個，佢認為曼聯有第4唔代表啲咩，因為17分落後冠軍球隊呢個差距實在太大：「要曼聯贏聯賽冠軍實在係太難喇。唔止係佢哋，所有離冠軍球隊有咁大比分差距嘅球會，下季都唔會容易打。除非曼聯可以引入5至6個新球員，但係咁樣對球會而言係一個好大嘅改變，未必係好事。而且呢5、6個球員都必須要係非常特別嘅球員，如此先有機會可以擊敗曼城、車路士。講就易，做落真係好困難……加上有球員會走，我認為迪基亞都唔會留架喇，因為呢個夏天實在太多轉會猜測同傳言喇。同埋佢只係得一年約在身，我都幾肯定佢喺某一個時刻就會轉投皇馬。」
睇嚟舒寧咸真係對曼聯無咩信心噃…已經去咗皇馬…唔係，係去咗馬德里度假嘅迪基亞早兩日就同西班牙傳媒講自己會返曼聯集訓，當然啦唔續約都只係得一年，不過咁就有好有唔好啦，好就係呢一年我哋仲有迪基亞頂住先，而且佢一日唔走，一日都有機會同佢傾續約，可能到時會有唔同呢…唔好嘅就係，佢唔續約下年就自由身走，真係一個崩都無架喇…
另一位曼聯名宿加利仔就對紅魔鬼信心大啲，佢撥嘅唔係熱水都好，最少都暖暖哋：「雲高爾都在曼聯一年啦，佢又適應咗球會，球員又適應咗佢，化學作用會大啲架喇。咁當然有風險，如果有5至6個新球員加盟的話又要時間去夾，不過都係睇定啲先啦。總括而言，球員們應該易適應好多，因為已經跟雲帥一年，今年的起步點應該幾舒服。」言下之意，一眾舊球員真係無藉口架喇，仲話自己唔知官姓咩？咁呢一年你做過咩呢？
不過得意在，兩人都認為曼聯有機會買入5至6個球員，呢個就真係幾值得諗諗…依家來來去去都係得個迪比，反而走嘅有好多，法卡奧、蘭尼、安祖路軒歷基斯都已經離隊，小豆、雲佩斯去向未明，如果真係走咗5至6個、又買返5至6個，咁樣又夠唔夠幾條戰線用呢？家下真係考雲高爾功夫喇…
請按此登錄後留言。未成為會員? 立即註冊