要數歷年來曼聯最貴收購，一定係佢：迪馬利亞。唔喜歡買超級球星、喜歡訓練超級球星的曼聯，因為有啲啲跌watt嘅關係都要搵下球星嚟救下亡，莫帥搵咗馬達、雲帥更一摘6000萬買入天使，不過佢第一季只係得3入球10助攻，數字上似係同個price tag唔係好一致。你對呢一位迷失天使仲有無期望呢？
佢嘅國家隊隊友同球隊隊友盧祖就對佢好有信心：「對我而言，曼聯最有天份的球員就係迪馬利亞。球會確係有好多偉大球員，但係我認為天使係球隊中最好的一位，亦係世界上最好球員的其中一位。我知上年對佢而言好艱辛，對於適應呢到有啲困難，不過我知佢會越來越好。」唔止佢架，阿根廷國家隊教練馬天奴（Gerardo Martino）都撐佢：「記唔記得阿根廷友賽德國時我講過咩？我話佢係世上最強的5位球員中嘅其中一位，依家我都仍然深信不疑。」隊中都仲有好多球員撐佢，加上以前皇馬的表現，天使嘅能力其實不容置疑。
唔好講遠，單單係美洲國家盃的比賽入面都睇得出天使已經有反彈跡象，對巴拉圭一役當中2入波1助攻，你可以話佢執雞一腳最多表現到走位能力，不過另外的一入波一助攻就真係功架十足，入波時奔走入楔、後發先至力壓對手後衛起腳；助攻時亦交出孤線十足的一記美妙「笠傳」，準確的交到阿古路身前，後者輕輕鬆鬆就頭槌破門，4個防守球員都只能眼睜睜望住天使交個靚波。呢啲質素唔係濫竽充數可以扮得出，可能真係誠如盧祖所講，天使真係要啲時間去調整自己，咁先可以在英超爭雄。
而唔少傳媒都認為天使嘅迷失在於2方面，第一係適應英國生活方面，始終都係初到埗，唔到一年就畀人爆格，又真係幾令人膽戰心驚嘅。加上要適應生活時又要適應新球隊，就連曼聯自己都未搵到最舒服的比賽方式，要一個唔適應生活環境嘅人去適應一個無時無刻都變緊嘅足球隊伍，想夾好默契、打出水準真係唔容易，你睇馬達都要搵到個靴里拉先有化學作用，迪馬利亞未熟曼聯戰陣，又同朗尼、雲佩斯等將未夾出火花，表現自自然然打折扣。
而另一個「天使迷失點」，可能在於身型。有腳法、有速度的球員往往要啲時間去適應英超，而要變得「襟撞」先有機會成功。而歷年來唔少曼聯球員一開始都係畀人一撞就飛走、最後唔單止企得穩陣腳，仲要越打越紅，當中c朗、迪基亞二人可謂非常成功。佢哋一開始加盟都係唔慣打英超衝撞式打法，不過練大隻之後就無往而不利了。始終好多英超球員除咗身體抗性強橫之外，腳法其實麻麻。如果天使可以upgrade華倫西亞、迪基亞嘅體格，話唔定可以打出一片天都唔一定。而有傳曼聯訓練營中亦已經準備好一套「天使變大隻」計劃，等大家試下大隻天使能否好好返身。
如果有睇開專區，大家都知筆者其實好撐天使留隊，因為重返歐聯之後人手緊張係一定架喇，有佢呢一位世界級翼鋒在陣意味多一個人用；加上就算佢聯賽都仲係舉步維艱，面對歐洲列強隊伍佢發揮到就得啦！當年星仔曼聯生涯的後段都係馳騁歐戰戰場多。天使又可唔可以成為歐聯專用的「紅核」呢？亦未可知。所以迪馬利亞留隊都係利大於弊，6000萬鎊噃，點都值得試多一、兩季嘅！
https://www.youtube.com/watch?v=WblygwLhDUY睇下入波先啦！
https://www.youtube.com/watch?v=0nzFu2D9xYI再重溫一下阿根廷的入球！盧祖都有波入呀真係瘦咗啲噃你！食多啲，長肉啲，有幫助架！
佢嘅國家隊隊友同球隊隊友盧祖就對佢好有信心：「對我而言，曼聯最有天份的球員就係迪馬利亞。球會確係有好多偉大球員，但係我認為天使係球隊中最好的一位，亦係世界上最好球員的其中一位。我知上年對佢而言好艱辛，對於適應呢到有啲困難，不過我知佢會越來越好。」唔止佢架，阿根廷國家隊教練馬天奴（Gerardo Martino）都撐佢：「記唔記得阿根廷友賽德國時我講過咩？我話佢係世上最強的5位球員中嘅其中一位，依家我都仍然深信不疑。」隊中都仲有好多球員撐佢，加上以前皇馬的表現，天使嘅能力其實不容置疑。
唔好講遠，單單係美洲國家盃的比賽入面都睇得出天使已經有反彈跡象，對巴拉圭一役當中2入波1助攻，你可以話佢執雞一腳最多表現到走位能力，不過另外的一入波一助攻就真係功架十足，入波時奔走入楔、後發先至力壓對手後衛起腳；助攻時亦交出孤線十足的一記美妙「笠傳」，準確的交到阿古路身前，後者輕輕鬆鬆就頭槌破門，4個防守球員都只能眼睜睜望住天使交個靚波。呢啲質素唔係濫竽充數可以扮得出，可能真係誠如盧祖所講，天使真係要啲時間去調整自己，咁先可以在英超爭雄。
而唔少傳媒都認為天使嘅迷失在於2方面，第一係適應英國生活方面，始終都係初到埗，唔到一年就畀人爆格，又真係幾令人膽戰心驚嘅。加上要適應生活時又要適應新球隊，就連曼聯自己都未搵到最舒服的比賽方式，要一個唔適應生活環境嘅人去適應一個無時無刻都變緊嘅足球隊伍，想夾好默契、打出水準真係唔容易，你睇馬達都要搵到個靴里拉先有化學作用，迪馬利亞未熟曼聯戰陣，又同朗尼、雲佩斯等將未夾出火花，表現自自然然打折扣。
而另一個「天使迷失點」，可能在於身型。有腳法、有速度的球員往往要啲時間去適應英超，而要變得「襟撞」先有機會成功。而歷年來唔少曼聯球員一開始都係畀人一撞就飛走、最後唔單止企得穩陣腳，仲要越打越紅，當中c朗、迪基亞二人可謂非常成功。佢哋一開始加盟都係唔慣打英超衝撞式打法，不過練大隻之後就無往而不利了。始終好多英超球員除咗身體抗性強橫之外，腳法其實麻麻。如果天使可以upgrade華倫西亞、迪基亞嘅體格，話唔定可以打出一片天都唔一定。而有傳曼聯訓練營中亦已經準備好一套「天使變大隻」計劃，等大家試下大隻天使能否好好返身。
如果有睇開專區，大家都知筆者其實好撐天使留隊，因為重返歐聯之後人手緊張係一定架喇，有佢呢一位世界級翼鋒在陣意味多一個人用；加上就算佢聯賽都仲係舉步維艱，面對歐洲列強隊伍佢發揮到就得啦！當年星仔曼聯生涯的後段都係馳騁歐戰戰場多。天使又可唔可以成為歐聯專用的「紅核」呢？亦未可知。所以迪馬利亞留隊都係利大於弊，6000萬鎊噃，點都值得試多一、兩季嘅！
https://www.youtube.com/watch?v=WblygwLhDUY睇下入波先啦！
https://www.youtube.com/watch?v=0nzFu2D9xYI再重溫一下阿根廷的入球！盧祖都有波入呀真係瘦咗啲噃你！食多啲，長肉啲，有幫助架！
請按此登錄後留言。未成為會員? 立即註冊