馬達：小豆好重要 (附小豆皇馬精華) 精選

入球總係曼聯最想做嘅事，因為得失球飲恨聯賽冠軍，爵爺甚至不惜一切將當年英超金靴的雲佩斯帶到奧脫福。而轉個頭紅魔鬼的攻力又有下降的跡象，於是雲高爾入主之後，將當年的助攻之王迪馬利亞、入球之王法卡奧都帶到曼聯。結果雖然係化學作用欠奉，不過想加強功力的心可見非常實在。而當大家都認為曼聯好需要一位高質、穩定的入球者之時，馬達話佢應該仲可以幫到曼聯。

呢個人，就係小豆。馬達睇嚟好喜歡佢：「小豆靴南迪斯仲係曼聯球員，自私的諗我真係好想佢留效。每一隊佢效力過嘅球隊佢都入過波，而且佢真係非常醒目，唔單止係一位好球員，仲係我嘅好朋友。當年我初到奧脫福，小豆真係幫我好多。佢係一個好人，亦係一位好專業的球員，可以同佢身處過同一個更衣室真係我的運氣。我好欣賞佢架！」
上季外借皇馬的小豆雖然仍然不受重用，不過上陣23場攻入7球，以一位出陣數唔多的球員而言，都真係合格有餘。你話小豆仲應該唔應該留低？筆者認為點都應該畀佢季前熱身試多一次先，始終雲帥只係教曼聯一載，佢剛剛到埗所選的陣式同方法已經證明咗不太成功，現今曼聯核心由兩位西班牙球員擔當，馬達、靴里拉都係中前場的發電機，小豆可唔可以夾到尚係未知之數，打法上未試過同場試演，化學作用有幾大實在可以期待一下。如果真係打得出一片天，咁唔賣小豆又得唔得呢？
https://www.youtube.com/watch?v=FzC9Sh1VDWA 睇片，其實小豆嘅贊素真係一啲都唔差架！