無錯，英國球員的身價越來越高，甚至已經去到一個唔合理的地步。曼聯大師兄里奧費迪南都對此非常感慨，不過佢嘅理由真係幾有力！佢咁講：「英藉球員真係好好好好好貴呀依家！貴到直情好似笑話一樣！你睇哈利卡尼、史達寧，係就係好有潛質，但係標價4千萬、5千萬……阿古路都係3800萬，山齊士都係3200萬咋！」係噃，咁睇法，真係唔係幾抵噃…
大家都知，家下英超隊伍每季開始前都要註冊25位球員，當中最少要有8個本土球員，而要符合呢個「本土球員」的資格，就要該球員21歲前最少為隸屬英足總或者威爾斯足總的球會效力過3年。而足總主席戴克為咗英國球員可以有更多機會，更希望在2020年將呢個數字增加，每隊由8個本土球員增至12個，於是英藉的球員突然變得炙手可熱，唔單止「根正苗紅」的英國仔身價暴漲，就連桑治呢啲球員都成為英超豪門目標(桑治出身自喀麥隆，但在阿仙奴度過了近7年的時光，亦是「本土球員」之一)。
曼聯本身都已經好鐘情本土球員，朗尼、鍾斯、史摩寧、卡域克、楊格同伊雲斯固然係本土球員，一眾小紅魔亦有唔少係小三獅，當然大家都唔怕多啦，你見曼聯仲想買哈利卡尼、尼達利基尼就知道！曼聯都仲叫做有唔少「存貨」，好嘈嘅鄰居就慘喇，得祖赫特、基捷基治同埋後備門將韋特係「英國貨」，仲要有成5個球員先夠數，所以難怪佢哋要苦追史達寧、桑治、韋舒亞嘅！但係你有需求時人哋都有，賣多個畀你自己就少一個，呢啲交易真係唔易傾得成喇！所以話，曼聯專心產自家本土球員真係有好處架！
當年里奧都係好貴好貴嘅英藉球員嚟架！買少見少買少見少........
大家都知，家下英超隊伍每季開始前都要註冊25位球員，當中最少要有8個本土球員，而要符合呢個「本土球員」的資格，就要該球員21歲前最少為隸屬英足總或者威爾斯足總的球會效力過3年。而足總主席戴克為咗英國球員可以有更多機會，更希望在2020年將呢個數字增加，每隊由8個本土球員增至12個，於是英藉的球員突然變得炙手可熱，唔單止「根正苗紅」的英國仔身價暴漲，就連桑治呢啲球員都成為英超豪門目標(桑治出身自喀麥隆，但在阿仙奴度過了近7年的時光，亦是「本土球員」之一)。
曼聯本身都已經好鐘情本土球員，朗尼、鍾斯、史摩寧、卡域克、楊格同伊雲斯固然係本土球員，一眾小紅魔亦有唔少係小三獅，當然大家都唔怕多啦，你見曼聯仲想買哈利卡尼、尼達利基尼就知道！曼聯都仲叫做有唔少「存貨」，好嘈嘅鄰居就慘喇，得祖赫特、基捷基治同埋後備門將韋特係「英國貨」，仲要有成5個球員先夠數，所以難怪佢哋要苦追史達寧、桑治、韋舒亞嘅！但係你有需求時人哋都有，賣多個畀你自己就少一個，呢啲交易真係唔易傾得成喇！所以話，曼聯專心產自家本土球員真係有好處架！
當年里奧都係好貴好貴嘅英藉球員嚟架！買少見少買少見少........
請按此登錄後留言。未成為會員? 立即註冊