星仔：迪比可比c朗 精選

大師兄出聲喇！星仔朴智星唔單止係迪比嘅曼聯師兄，更係PSV燕豪芬的大師兄，有佢講下師弟，大家都要聽下嘅！星仔咁講：「迪比都仲細，21歲仔，我同佢一齊比賽過，佢真係好有潛質：強壯、有傳波能力，腳法又好。有人話佢似c朗，我可以想像到：他真係有火要成為世界上最強的球員，而曼聯可以幫到佢成長。對於佢同球會而言，呢個轉會都係好事。我好肯定佢會為曼聯展現實力。」

21歲仔已經為荷蘭國家隊上陣15次，而且攻入21球成為荷甲神射手，呢個2500萬鎊真係用得過架！不過講到星仔喇噃，佢同曼聯都係好好關係，下月14日在奧脫福舉行的慈善賽就有佢份，代表曼聯傳奇隊出戰拜仁慕尼黑傳奇隊。到時雲達沙、史高斯、史譚、高爾、約基同沙夏都會再次聚首一堂！