保方：曼聯走寶

悶就真係悶，不過提到呢個人都真係魔鬼天使在一身，點都忍唔住要講下…保方口中講嘅，係祖記依家嘅主力、身價已經無可限量嘅普巴：「我在足球場上打滾咁多年，見過最奇怪嘅事就係爵爺同曼聯唔畀普巴上陣，任佢離隊。佢嚟到祖記只係短短幾個訓練課，我哋已經睇到佢有幾好。佢唔可能係曼聯上陣嘅普巴，一係就係曼聯班人近視太深睇唔到。」

保方真係讚到普巴天上有地下無：「我從來未見過一個球員咁年輕已經打得咁好，又強壯、又有技術，而且非常全面。普巴做到嘅事只有普巴先做得到，就好似美斯、C朗一樣。曼聯畀一位世界上最好嘅球員自由身離隊真係走寶，不過對我哋而言係好事。佢當然會同大球會拉上關係啦，好似車路士、皇馬、PSG同曼城咁，不過依家佢喺祖記好明顯就係實現緊自己夢想。如果有人要買走佢，我肯肯定係天價。」
可能係天價啦，除非唔係嘅啫…早兩日傳曼城想用7000萬鎊買走普巴，嗯…呢個價又真係幾吸引嘅。值唔值就見人見智喇！
唔用普巴可能因為佢唔靚仔...佢好啲！