續約風雲：一度認為會「普巴化」的彭利拿 (附影片) 精選

幾個月前，大家應該都聽唔少呢單新聞：彭利拿（Andreas Pereira）拒絕續約；彭利拿可能跟隨普巴轉投祖記，普巴游說彭利拿走人…呢一位今季不停列為曼聯後備的球員，一度被認為是普巴一樣的「叛將」，不過最終與曼聯簽下一紙新約，將留效直至2018年。佢究竟係點嘅一位球員？

聽完呢句，大家可能都會驚一驚：「我同普巴係好朋友，佢同我傾過好多次，佢話我好適合打祖記。」同普巴好老友，又係一位潛力新星，唔通真係養唔熟？好在，佢同費sir有過接觸，同普巴的唔耐煩有啲唔同：「我參加了奧脫福tour見到費爵爺。我嘅球會psv燕豪芬都知我同其他球會接觸，不過佢哋尊重我。15歲就可以同爵爺傾計，真係令人夢想成真！我真係好想打曼聯！」
不過佢自己雖然想打曼聯，佢爸爸就唔係咁諗：「我哋知道PSG對佢有興趣，不過未同我哋聯絡…燕豪芬都係一隊好球隊，佢哋大門總係為我囝囝而開。」總之，佢好似點都唔想彭利拿打曼聯咁…然而彭利拿自己，最後都係選擇咗紅魔鬼：「好高興簽咗新約，我要感謝領隊畀我打一隊的機會，對熱刺一役係我嘅英超處子騷，可以在奧脫福同咁多球迷眼前比賽真係難以置信！我認為曼聯好適合我繼續發展，我會盡能力學最多嘅嘢！」

唔知係爵爺對普巴「關懷」唔夠，定係雲高爾用年青人關係真係好啲，唔單止彭利拿有得上陣、同迪馬利亞等等星級大將一齊坐下板凳，就連占士威爾遜、麥拿亞、麥萊布力基加加埋埋一齊上陣咗接近2000分鐘的比賽，新一代紅魔真係睇得到未來、看得到出頭天，於是彭利拿最終都選擇續約。佢最擅長其實係打10號位，自由球幾準、中長距離射門亦有勁度有準頭，不過位置上就同朗尼、馬達等人重疊咗，要有出頭天佢可能要改變一下打法，或者可以同靴里拉組成聯合陣線，主宰中場中的位置，否則佢嘅一隊之位都唔係好穩陣…不過，如果、或者、可能，佢未來嘅表現同普巴差唔多嘅話，話唔定佢想打邊個位就邊個位呢？
彭利拿小檔：
全名：Andreas Hugo Hoelgebaum Pereira
1996年1月1日生 (19歲)
高度：1.77米
重量：66公斤
國藉：巴西、比利時
位置：攻擊中場
慣用腳：左右腳俱佳
佢都係我同鄉噃！(彭利拿為比利時出生的巴西人)

https://www.youtube.com/watch?v=p-FzK5YVhwk不妨睇睇佢夠唔夠班啦？