場內場外都失意，就連史高斯都話佢拎紅牌之後曼聯先開始重整，迪馬利亞都算係曼聯黑仔王。佢自己都同過朋友講，今季係自己職業生涯迄今為止最辛苦的，追求身體對抗性嘅足球風格讓令佢苦不堪言。而場外，自己屋企又畀人爆格，嚇到佢舉家搬去酒店，好多人都認為佢已經嚇親，場內場外都嚇親，今夏好大機會離隊…
不過最新消息就指，天使好有可能會繼續留低，《鏡報》透露天使已經明確話畀曼聯知自己留隊的意向，而且目前舉家住在曼市市中心公寓嘅佢已經搵緊新屋，睇嚟好快就會買樓。而佢最新一個紋身就係將「7」字加到左上臂位置，令人懷疑佢已全心將紅魔7號變成自己嘅名號(當然，佢阿根廷國家隊都係7號XD)。咁大家又想唔想佢留呢？
下半季佢確係表現麻麻，不過睇返數字，其實佢絕對係爛船都有3分釘，24場比賽入面佢雖然只係入3球，不過助攻數字驚人，10個助攻位列英超第二，只係比16個助攻嘅法比加斯少，比軒達臣、拿華斯、山齊士、夏薩特的助攻都要多。以一位未適應英超、加上正選位置不穩的球員而言，呢個助攻力絕對係合格。都係嗰句，要適應英超比適應其他聯賽更需要時間，加上曼聯如果真係重奪歐戰資格，多條戰線之下好球員絕對唔應該走，更何況係星級球員。筆者都希望餘下幾場可以睇到迪馬利亞融入新曼聯的陣式中，對下季的比賽有百利而無一害！
不過最新消息就指，天使好有可能會繼續留低，《鏡報》透露天使已經明確話畀曼聯知自己留隊的意向，而且目前舉家住在曼市市中心公寓嘅佢已經搵緊新屋，睇嚟好快就會買樓。而佢最新一個紋身就係將「7」字加到左上臂位置，令人懷疑佢已全心將紅魔7號變成自己嘅名號(當然，佢阿根廷國家隊都係7號XD)。咁大家又想唔想佢留呢？
下半季佢確係表現麻麻，不過睇返數字，其實佢絕對係爛船都有3分釘，24場比賽入面佢雖然只係入3球，不過助攻數字驚人，10個助攻位列英超第二，只係比16個助攻嘅法比加斯少，比軒達臣、拿華斯、山齊士、夏薩特的助攻都要多。以一位未適應英超、加上正選位置不穩的球員而言，呢個助攻力絕對係合格。都係嗰句，要適應英超比適應其他聯賽更需要時間，加上曼聯如果真係重奪歐戰資格，多條戰線之下好球員絕對唔應該走，更何況係星級球員。筆者都希望餘下幾場可以睇到迪馬利亞融入新曼聯的陣式中，對下季的比賽有百利而無一害！
請按此登錄後留言。未成為會員? 立即註冊