簡大帝拍戲玩埋「格雷」(有片,重口味慎入)

曼聯專區 於 15/04/2015 發表 收藏文章
早前奧脫福大帝接受訪問,同大家講咗佢點睇依家嘅曼聯,睇嚟佢真係對打吡大勝曼城4:2嘅紅魔鬼信心滿滿噃:「依家佢哋係城中之王。有時你會喺某一個球季輸幾場波,然而只得第四、第五。之後嗰一季就會贏返冠軍架喇。」記者問佢,如果佢自己帶曼聯會唔會仲好?佢就好謙虛咁話,雲高爾係正確嘅人選,佢可以成就大事咁話。

而簡東拿亦有講到曼城:「藍月亮唔可能年年都奪冠嘅,好多球隊都有能力奪冠,英超就係因為咁先令人睇得興奮嘛。有啲球會買世上最好嘅球員返嚟,亦有啲球會訓練青年軍上陣,有啲兩樣都做。我喜歡兩樣都做嘅球會,好似曼聯就係其中之一。佢哋有錢可以買好球員,亦會加強青訓。青年軍好重要,曼聯已經花咗好長時間去建立。當然你可以選擇用最好的球員,不過如果你有好嘅青年軍、一代好球員,咁你就立於不敗之地了。因為呢班球員14歲左右已經一齊比賽!巴塞都好明白呢個道理。曼城都可能建立緊啲嘢,車路士都可能有,不過要啲時間。你可以用好多錢去買人、下年就取得冠軍,不過如果你要用青年球員去做,隨時要10年。」

簡東拿1997年掛靴之後成為咗藝人,都有參加唔少電影製作,佢今次去上海亦有提到自己套戲You and the Night,佢喺入面嘅演出都幾大膽架。人哋話套戲有色情角度,佢就咁講:「你都可以咁睇,不過佢真係拍得好靚。佢唔係色情片,佢係藝術品。愛都關性事,大家都知。」
不過呢套嘢都真係…幾過界…首先係簡大帝被SM…
https://youtu.be/gS2q6AYBnkQ
再嚟就係hehe之吻…
https://youtu.be/ePpnRQt9H4M
只能說…真重口味…
標籤: 簡東拿  

留言


請按此登錄後留言。未成為會員? 立即註冊
    快捷鍵:←
    快捷鍵:→