卡域克係曼聯依家嘅至寶，佢上場對曼城行出場嗰下真係令唔少曼迷心驚膽顫！依家佢嘅傷勢都係未明，希望無咩問題啦…不過講起卡仔，佢之前接受MUTV訪問，講咗一啲自己嘅故仔，不如同大家分享一下！
細細個就要個波
同好多小朋友一樣，卡域克細個好易滿足，由卡媽媽所講，小卡域克想要嘅都好簡單，只係一個皮球。父母帶佢去玩具鋪，佢第一樣嘢要玩嘅就係一個波。真係三歲定八十！
第一次進入球場無錯，卡域克唔算係咩天才兒童，佢第一次落場唔係攻入30球，而係…喊咗出嚟。當時係一個周六的訓練課，4歲到9歲嘅小朋友5對5，在場上混戰，雖然有爸爸、有祖父睇實，不過卡域克都係感覺個場好似鬥獸場一樣，有咩辦法唔喊？(註：佢當時係去一個叫Wallsend Boys Club嘅球會，位於泰恩威爾郡)
卡爸
卡域克爸爸都係職業球員，效力米杜士堡，係後備組的左閘，位置上同卡域克幾唔同。不過後來佢想陪屋企人多啲，於是返去卡域克家鄉泰恩威爾郡附近打本土聯賽。佢成日話自己能力高過卡域克，不過到咗一個時間點，佢就開始放棄咁講了。
無人無物的韋斯咸生活卡域克15歲就決定要搬去倫敦，佢認為係自己做得最啱的一件事。佢都去咗15間球會試腳，最後選擇了韋斯咸：「頭3,4個月真係好難挨，足球上係好好，不過返到宿舍就真係無人無物，嗰時又無手提電話，只可以去電話亭打電話返屋企。不過呢種生活令我成長良多，加速我嘅『成形』，畀我知世界有幾大，我要快啲成長先得。」
F1迷
「我唔會用足球交換其他嘢，除非係F1賽車車手資格啦！我會想試試架，因為我好喜歡F1。之前都試過玩賽車，係就係好享受，不過比起F1就真係差好遠喇！」
卡域克不老之迷
卡域克話，人到咗33、34歲，身體點改變真係無人知。所以佢會保持正確生活態度、好好照顧自己，咁先可以令自己職業生涯長啲。而佢好明顯就係學緊傑斯，因為佢都有玩瑜伽！卡域克咁講：「我都唔奢望自己可以好似傑斯咁勁，唔係個個都可以好似佢咁打到40歲架！。不過我會盡力學傑斯、學史高斯、學加利尼維利架！咁先長打長有家嘛！」
細細個就要個波
同好多小朋友一樣，卡域克細個好易滿足，由卡媽媽所講，小卡域克想要嘅都好簡單，只係一個皮球。父母帶佢去玩具鋪，佢第一樣嘢要玩嘅就係一個波。真係三歲定八十！
第一次進入球場無錯，卡域克唔算係咩天才兒童，佢第一次落場唔係攻入30球，而係…喊咗出嚟。當時係一個周六的訓練課，4歲到9歲嘅小朋友5對5，在場上混戰，雖然有爸爸、有祖父睇實，不過卡域克都係感覺個場好似鬥獸場一樣，有咩辦法唔喊？(註：佢當時係去一個叫Wallsend Boys Club嘅球會，位於泰恩威爾郡)
卡爸
卡域克爸爸都係職業球員，效力米杜士堡，係後備組的左閘，位置上同卡域克幾唔同。不過後來佢想陪屋企人多啲，於是返去卡域克家鄉泰恩威爾郡附近打本土聯賽。佢成日話自己能力高過卡域克，不過到咗一個時間點，佢就開始放棄咁講了。
無人無物的韋斯咸生活卡域克15歲就決定要搬去倫敦，佢認為係自己做得最啱的一件事。佢都去咗15間球會試腳，最後選擇了韋斯咸：「頭3,4個月真係好難挨，足球上係好好，不過返到宿舍就真係無人無物，嗰時又無手提電話，只可以去電話亭打電話返屋企。不過呢種生活令我成長良多，加速我嘅『成形』，畀我知世界有幾大，我要快啲成長先得。」
F1迷
「我唔會用足球交換其他嘢，除非係F1賽車車手資格啦！我會想試試架，因為我好喜歡F1。之前都試過玩賽車，係就係好享受，不過比起F1就真係差好遠喇！」
卡域克不老之迷
卡域克話，人到咗33、34歲，身體點改變真係無人知。所以佢會保持正確生活態度、好好照顧自己，咁先可以令自己職業生涯長啲。而佢好明顯就係學緊傑斯，因為佢都有玩瑜伽！卡域克咁講：「我都唔奢望自己可以好似傑斯咁勁，唔係個個都可以好似佢咁打到40歲架！。不過我會盡力學傑斯、學史高斯、學加利尼維利架！咁先長打長有家嘛！」
請按此登錄後留言。未成為會員? 立即註冊