高普：曉姆斯夠能力打曼聯 精選

曼聯搵緊個穩陣嘅後衛就大家都知啦，雖然曼市打吡贏波，不過我哋都係攻力強啲，輸2粒都顯示出防守力都有改進空間。而一直以來曼聯的目標曉姆斯，原來佢已經諗緊出走多蒙特，而目的地有機會係曼聯…

呢個消息係由高普帶俾大家嘅：「曉姆斯同我講，佢諗緊啲嘢，應該係同佢嘅未來有關。我哋球會一直都有留意轉會市場嘅動態…曉姆斯要打曼聯？夠架喇！」呢一堆字仔，表示咗幾樣嘢：曉姆斯想走，多蒙特搵緊人替佢，同埋…曼聯應該仲有追緊曉姆斯！
馬高列奧斯就續咗約，決定為蜜蜂軍團打天下，不過曉姆斯就唔同，佢上個月同傳媒講過自己想走：「基本上，我諗去其他國家比賽對我嘅職業生涯同埋個人發展都會係一件好事。我想離開德甲。」咁即係佢唔會諗跟住羅拔仔去拜仁啦，不過係唔係想去曼聯？而曼聯又係唔係需要一個傳波叻過防守的中堅呢？呢個真係要拭目以待喇！