法卡奧：唔介意喺曼聯等 精選

「魔虎」法卡奧好似一直都未喺曼聯打出水準，不過佢嘅態度一直都非常正面，無話要求轉會、要求正選，反而表示自己已經有準備好好等待。

對於周末打吡戰，佢咁講：「呢場比賽對我哋嘅粉絲，對佢哋（指曼城）粉絲都係意義重大。所以我可以上陣的話，理所當然會好高興。氣氛一定好好。在曼市，打吡真係好重要。好唔好彩我上一場打吡戰無得打，不過比賽前一星期你已經可以感受到氣氛有所改變，因為人人都講緊呢場比賽。」上一場曼城主場的打吡戰上年11月2日打嘅，曼聯以1球敗陣，其實亦係近年來兩軍對壘中曼聯的第4連敗，真係不堪入目…而曼城亦已經60年嚟未試過連敗曼聯4次了。上仗無法卡奧，但係有雲佩斯在陣。陣營上同家下最顯著的不同，在於無靴里拉同馬達，反而係有贊奴沙同迪馬利亞，而球員的默契亦未係好好…
對於自己的未來，佢就咁講：「每位球員都希望上陣，真係好正常…不過我尊重領隊的決定。我不斷努力訓練，每日都調整自己，希望在一個唔同嘅足球系統、唔同嘅足球風格入面打出水準。曼聯係一間偉大的球會，我好開心可以身在這裡，而我亦因此唔怕等，我會有耐心。」