曼聯專區小評：請重用朗尼卡域克 精選 推薦

曼聯3:0擊敗熱刺，戰術上改變成為球隊取勝關鍵，朗尼近幾場推前出任前鋒，明顯表現好好多，亦都取得入球，至於另一個更為對曼聯重要，應該係卡域克復出重回防中位置。

先講朗尼，朗尼今季好多時間放晌中場位置，令佢上陣25場只入得11球波，其中有7場波只有一次埋門機會，仲有4場係一次攻門都做唔到。先講曼聯中場，要分波既中場指揮官嘅人選大有人在，要走上走落助攻助守亦有費蘭尼，其實唔係咁急切要朗尼放晌中場，再者佢返番去前鋒位置上，隊友傳送上朗尼起碼係向前接應，或者接波後向禁區方向跑，加快曼聯進攻節奏，而回到中鋒位置佢亦顯示出自己射門觸角，晌雲佩斯受傷同法卡奧得唔到重用下，朗尼係應該以前鋒亮相，發揮佢入球能力。

至於另一人物卡域克，晌佢受傷前由費蘭尼同白蘭特兩者輪住出任佢防守中場位置，表現都係麻麻，兩者晌防守上無咩問題，之不過晌防守成功轉打進攻方面，無卡域克咁快手可以傳波去到適當位置，往往停波等隊友現位，又或是交後，影響曼聯進攻，而對手亦有足夠時間回防。重用卡域克為組織重心，佢可以準繩取得控球後傳波予隊友策劃攻擊，掌握先機，少了橫傳同回傳，多出現更有威脅嘅中長距離直線傳球，而呢一方面正正晌佢缺陣下而缺少，攪到曼聯之前進攻策略很慢，只多分兩邊斬波傳中。

相信如果要快返對熱刺一戰上半場，呢兩位關鍵人物會成為進攻關鍵。