「口水門」判罰定案 伊雲斯停賽6場 施斯7場 精選

英格蘭足總周六宣佈，互放飛劍的伊雲斯同施斯都要面對停賽判罰，今次對曼聯後防嚟講真係唔知是福是禍，一方面真係又少一個人揀，兵源又再一次弱咗；不過福就係...其實伊雲斯今年表現真係唔太好...無佢上陣，隨時仲穩陣...

而2人對「口水門」的態度都幾一致，施斯一直都係認錯認衰仔，同有道歉；而伊雲斯就死口唔認，到最後一刻都話自己無做過，雖然有片有真相...最後，足總話唔好理，兩個都要罰，都係罰6場停賽；而施斯更因為之前肘擊愛華頓中場史密斯高文被逐，被「加監」多一場，停夠7場：「2位球員涉嫌違返足總條例第E1[a] 條，在比賽的38分鐘左右向對方吐口水。施斯承認控罪停賽6場，加上之前比賽的粗野行為停賽多一場。伊雲斯拒絕承認控罪，但我們在3月6日由獨立委員會進行的聽證會中，認為他亦應該接受停賽6場的判罰。他的行為並未被球證看到，不過影片拍到了。」
伊雲斯呢6場停賽真係好「合時」，可以話係場場大戰，3月9日主場對阿仙奴的足總盃比賽是第一場
之後分別是5場聯賽：

3月15日主場對熱刺
3月22日作客利物浦
4月4日主場對維拉
4月12日主場對曼城
4月18日作客對車路士

無錯，入面有8成都係對聯賽頭6名的強敵。呢個停賽真係好合時
ps：柏比斯施斯停賽對喜鵲都係噩耗，攻入11球嘅佢係紐卡素的首席射手...其下，已經是西班牙小將艾約斯佩雷斯，不過都只是得5球...