好微妙，唔計對史雲斯，曼聯在過去的19場比賽中只輸過一場，打法甩甩漏漏、攻力唔強守備力亦麻麻，竟然可以在緊密賽程中得到不過不失的成績。反而今仗對住拆禮物日之後到今天只贏過一場的史雲斯，最後竟然輸波收場。而今仗最大的得著，可能係印證咗粉絲的喜好果然係正確，雲高爾唔用的靴里拉確係曼聯現在需要的人物。
今仗防守好、攻擊好，靴里拉都係非常稱職，先是一個護空門令人印象珠深，之後更為曼聯先開紀錄，佢喺中場嘅影響力比起朗尼身在中場明顯，無論是思考上或者身體上，佢都比其他曼聯球員更快，為曼聯中場帶來咗新的活力，甚至係指揮力。對天鵝的比賽，上半場佢已經3次傳送至空位，俾麥尼亞空間去爆，而且佢更有一團火去鼓勵隊友，不止一次為麥尼亞的失位提點，亦在中場兼顧攻守。難怪大家都對佢有好大的期望，因為喺唔多嘅上陣機會中，大家都已經睇得出佢有嘅係好大嘅潛質，同埋好有影響力嘅心態。而佢嘅快，亦係曼聯的重要資產之一。
如果靴里拉係上場比賽中表現較為優勝的，咁就不得不提比賽中表現最令人失望的人，佢就係雲佩斯。賽後佢要扶拐杖先走到，不過有部分外國球迷對此竟然表示高興，稱這是比賽日最好的新聞。2013年費爺的最後執教生涯之中，雲佩斯可以話係曼聯的新魔王，入球多、威脅銳利、踢法秀麗，就連筆者都認為佢喺未來幾年一定會係曼聯的核心人物。不料莫耶斯年代之後，佢就好似無復當年勇，今仗對史雲斯好多腳射波都失去球感，就連佢曾經殺食非常的高強控球能力都好似無哂影，難怪球迷對佢嘅耐性越來越少…
最令人痛心的是，曼聯陣中最令人期待的雲佩斯、法卡奧、迪馬利亞、朗尼，表現都係唔合格，同大家見慣見熟嘅佢哋好唔同，究竟問題出喺邊？筆者睇完熱刺對韋斯咸的比賽，感覺曼聯的問題出在一個字上：「慢」。單睇比賽，韋斯咸的攻擊比曼聯的更銳利，因為球員的信心好強，一射一傳都係快狠準。反之，曼聯的攻擊總係拖得好慢，見前方有敵即後傳，中場的組織係好強，不過欠缺突破能力，在不少的英超大巴前面只可以回傳、橫傳，無法撕裂對手防線。筆者唔寄望本身就不以速度見稱的雲佩斯、法卡奧、朗尼，最希望的是迪馬利亞同靴里拉可以早日習慣成為曼聯的突破點，完善咗呢一步，先可以真正為球隊加速、增加埋門的威脅性。(迷之聲：我哋仲有個已經半隱形的馬達。隨後再談。)
雲師兄本身就唔係突破型前鋒...要有供應先得
唉
今仗防守好、攻擊好，靴里拉都係非常稱職，先是一個護空門令人印象珠深，之後更為曼聯先開紀錄，佢喺中場嘅影響力比起朗尼身在中場明顯，無論是思考上或者身體上，佢都比其他曼聯球員更快，為曼聯中場帶來咗新的活力，甚至係指揮力。對天鵝的比賽，上半場佢已經3次傳送至空位，俾麥尼亞空間去爆，而且佢更有一團火去鼓勵隊友，不止一次為麥尼亞的失位提點，亦在中場兼顧攻守。難怪大家都對佢有好大的期望，因為喺唔多嘅上陣機會中，大家都已經睇得出佢有嘅係好大嘅潛質，同埋好有影響力嘅心態。而佢嘅快，亦係曼聯的重要資產之一。
如果靴里拉係上場比賽中表現較為優勝的，咁就不得不提比賽中表現最令人失望的人，佢就係雲佩斯。賽後佢要扶拐杖先走到，不過有部分外國球迷對此竟然表示高興，稱這是比賽日最好的新聞。2013年費爺的最後執教生涯之中，雲佩斯可以話係曼聯的新魔王，入球多、威脅銳利、踢法秀麗，就連筆者都認為佢喺未來幾年一定會係曼聯的核心人物。不料莫耶斯年代之後，佢就好似無復當年勇，今仗對史雲斯好多腳射波都失去球感，就連佢曾經殺食非常的高強控球能力都好似無哂影，難怪球迷對佢嘅耐性越來越少…
最令人痛心的是，曼聯陣中最令人期待的雲佩斯、法卡奧、迪馬利亞、朗尼，表現都係唔合格，同大家見慣見熟嘅佢哋好唔同，究竟問題出喺邊？筆者睇完熱刺對韋斯咸的比賽，感覺曼聯的問題出在一個字上：「慢」。單睇比賽，韋斯咸的攻擊比曼聯的更銳利，因為球員的信心好強，一射一傳都係快狠準。反之，曼聯的攻擊總係拖得好慢，見前方有敵即後傳，中場的組織係好強，不過欠缺突破能力，在不少的英超大巴前面只可以回傳、橫傳，無法撕裂對手防線。筆者唔寄望本身就不以速度見稱的雲佩斯、法卡奧、朗尼，最希望的是迪馬利亞同靴里拉可以早日習慣成為曼聯的突破點，完善咗呢一步，先可以真正為球隊加速、增加埋門的威脅性。(迷之聲：我哋仲有個已經半隱形的馬達。隨後再談。)
雲師兄本身就唔係突破型前鋒...要有供應先得
唉
請按此登錄後留言。未成為會員? 立即註冊