朗尼伙拍史提斯柯士甸出席摔角大戰??

曼聯專區 於 19/02/2015 發表 收藏文章
朗尼在對普雷斯頓的比賽疑似插水之後,引起了超大的迴響,甚至掀起了一場摔角大戰!

事緣普雷斯頓出世的摔角明星巴雷特在朗尼搏得12碼之後,在Twitter上批評朗尼插水:「點睇朗尼插水先?如果我捉住佢,佢根本連插水的機會都無。」

然後朗尼就開始玩嘢:「我會叫『冷石』史提斯柯士甸復出,同我一齊對付你!」史提斯柯士甸是曾奪下多次WWF/E冠軍的名人堂選手,取得嘅頭銜數量同朗尼得到嘅錦標數量真係有得揮!
聽到朗尼嘅挑釁之後,巴雷特打蛇隨棍上,搵「佢」同朗尼打:「咁好,朗尼你同史提斯柯士甸一隊,我同奇雲戴維斯一隊,我哋打。book咗你哋架喇!」奇雲戴維斯大家都唔會陌生,呢位球壇長青樹家下效力普雷斯頓,佢嘅火爆同朗尼都有得揮!

之後幾個人就繼續吹落去,史提斯柯士甸應承咗出陣,奇雲戴維斯又話要開始特訓...當然啦,大家都係講笑啫,朗尼雖然真係打過拳,不過雲帥點都唔會俾佢上擂台啦...而大家嘻嘻哈哈咁樣面對「插水」呢個課題,又真係幾新穎噃...
英媒連相都整埋出嚟喇!(source:mirror)
標籤: 朗尼  

留言


請按此登錄後留言。未成為會員? 立即註冊
    快捷鍵:←
    快捷鍵:→