雲高爾嬲到記者會內出圖反駁大SAM 精選

曼聯作客賽和1:1賽後，韋斯咸領隊艾拿戴斯批評曼聯表現欠說服力，更批評曼聯只係識長傳急攻：「到最後，球隊抵受唔住曼聯長波攻勢，呢個唔係平時常看到嘅曼聯踢法，但佢哋最終取得入球。大家可以批評雲高爾常用長波，但當唔能夠破門時，長傳急攻往往有回報。」

至於雲高爾早前已經作出反駁，認為無咩唔妥，但估唔到佢老人家咁記仇，晌對般尼一戰前的賽前記者會1到，繼續反駁大SAM，仲列晒4張數據圖嚟作出反擊，「如果有同行講及呢件事，大家就要睇睇數據喇。看過數字大家就會知曼聯的確係有長傳，之不過唔係急攻，而係用長傳來用盡球場寬度，往往都唔係直接傳到前鋒腳下。我只可以講就係艾拿戴斯解釋得唔係咁好。」

雲高爾更串到叫大家將數據俾一份大SAM，「睇過成場波整場比賽長傳分佈圖，以及整場波兩隊嘅百分比，可以睇得出韋斯咸71%長傳都係向前送，曼聯就只有49%的長傳係向前。我可以給呢份數據去影印一份俾艾拿戴斯，咁佢就可以解釋得好啲。」雲帥其後解決嗰場波曼聯戰術上前70分鐘都係以控球為主，只係未能湊效，先決定戰術改變。

有關片段：
https://www.youtube.com/watch?v=3SBt55F-T2o#t=13