莫耶斯剛剛同大家講，曼聯一定係炒錯佢，一紙6年合約呃咗佢，令佢以為有好長時間去改變球隊。當然好多人都認為佢未必啱啦，尤其係9981斬的戰術令人瞠目結舌，一眾好腳法的球員不去做擅長的技術突破，而去扮海獅頂波波。不過大家唔好放心住，因為依家曼聯換湯不換藥，雲高爾麾下的曼聯，都係一班小海獅…
睇數字，今季曼聯已經用過1861次長傳，雖然係包斬波數字同長傳急攻，不過對於一隊技術型的球隊而言，這仍是令人難以置信。1861次長傳至今是英超第2，只比1877次長傳的般尼少。第3多是QPR，第4是西布朗，李城是第5。相反，最少長傳的分別是第一的阿仙奴，只有1098；其次是曼城的1184、利物浦的1377，及車路士的1407。
一隊球隊之所以要用長傳，很多時是沒有辦法中的辦法，最常見的是在自己後場被緊逼，惟有不理好醜、大腳送上前場。而無法組織有效的入楔攻勢之下，亦常常以大腳「搏大霧」。這就解釋了榜末的般尼、QPR、李城為何都有如此數量的長傳，因為他們的球員質素上確是稍遜。不過曼聯擠身這些球會之間就有點古怪了。陣中有迪馬利亞、雲佩斯、法卡奧、朗尼、華倫西亞、楊格等等球員，為何仍然無法做出地面突破，要以長傳急攻為攻擊的主要手段？
其實數到底，係因為一眾大牌球員仍然未有默契、仍然未有一套攻擊套路、未熟習隊友的走位及攻擊。而呢個結果，其實雲帥唔多唔少有啲責任，好似朗尼咁，今季打過嘅位置真係多不勝數，中鋒、攻中、防中、中場中，就連右中場都打埋了。朗尼自己適唔適應都已經係問題，隊友更加無所適從。另一邊廂，迪馬利亞都一樣，攻中、中場中、中鋒都打過，偏偏最熟手的翼位就打得唔多。沒有一套慣性就無法打出默契，於是一班球員在場上往往都是「煮到埋嚟先食」，對於攻擊的模式無咩準備、亦無法擅用人最強的「潛意識」去踢波，每一下動作都要停一停、諗一諗先做，在節奏快到嚇人的英超，呢個停一停已經有一堆敵衛殺到了。
不過大家又唔駛太灰心，再睇下數字，曼聯今季的傳送成功率有近84.8%，位列第二，只比曼城少，甚至比車路士更高。而59.6%的平均控球率，亦是英超第二，比阿仙奴、車路士、利物浦都高，意味曼聯球員的質素其實一點不差，傳送的準繩度、控球的能力都不弱，欠的，只是一套有效的攻擊模式。只要搵得到，就有機會取得穩定入球數字…不過前提係，雲帥你唔好再轉陣喇…
睇數字，今季曼聯已經用過1861次長傳，雖然係包斬波數字同長傳急攻，不過對於一隊技術型的球隊而言，這仍是令人難以置信。1861次長傳至今是英超第2，只比1877次長傳的般尼少。第3多是QPR，第4是西布朗，李城是第5。相反，最少長傳的分別是第一的阿仙奴，只有1098；其次是曼城的1184、利物浦的1377，及車路士的1407。
一隊球隊之所以要用長傳，很多時是沒有辦法中的辦法，最常見的是在自己後場被緊逼，惟有不理好醜、大腳送上前場。而無法組織有效的入楔攻勢之下，亦常常以大腳「搏大霧」。這就解釋了榜末的般尼、QPR、李城為何都有如此數量的長傳，因為他們的球員質素上確是稍遜。不過曼聯擠身這些球會之間就有點古怪了。陣中有迪馬利亞、雲佩斯、法卡奧、朗尼、華倫西亞、楊格等等球員，為何仍然無法做出地面突破，要以長傳急攻為攻擊的主要手段？
其實數到底，係因為一眾大牌球員仍然未有默契、仍然未有一套攻擊套路、未熟習隊友的走位及攻擊。而呢個結果，其實雲帥唔多唔少有啲責任，好似朗尼咁，今季打過嘅位置真係多不勝數，中鋒、攻中、防中、中場中，就連右中場都打埋了。朗尼自己適唔適應都已經係問題，隊友更加無所適從。另一邊廂，迪馬利亞都一樣，攻中、中場中、中鋒都打過，偏偏最熟手的翼位就打得唔多。沒有一套慣性就無法打出默契，於是一班球員在場上往往都是「煮到埋嚟先食」，對於攻擊的模式無咩準備、亦無法擅用人最強的「潛意識」去踢波，每一下動作都要停一停、諗一諗先做，在節奏快到嚇人的英超，呢個停一停已經有一堆敵衛殺到了。
不過大家又唔駛太灰心，再睇下數字，曼聯今季的傳送成功率有近84.8%，位列第二，只比曼城少，甚至比車路士更高。而59.6%的平均控球率，亦是英超第二，比阿仙奴、車路士、利物浦都高，意味曼聯球員的質素其實一點不差，傳送的準繩度、控球的能力都不弱，欠的，只是一套有效的攻擊模式。只要搵得到，就有機會取得穩定入球數字…不過前提係，雲帥你唔好再轉陣喇…
請按此登錄後留言。未成為會員? 立即註冊