險遭爆格後「天使」仍堅持上陣 精選

曼聯晌大勝李斯特城3:1比賽入面，「天使」迪馬利亞係其中比賽嘅一份子，不過諗佢估到估唔到當日比賽後，有呢件事發生…

嗰日晚上8點，即係曼聯贏波後1個鐘，迪馬利同家人正晌屋企睇電視，點知住所卻引入咗3名賊人，據稱佢地用到建築用嘅支架條將「天使」屋內庭院門整爛，意圖入屋爆格，不過同時好彩警鐘都響起，3名賊人聽到之後即時事敗逃去，好彩迪馬利亞屋企人無事，又無咩任何財物損失，只是有玻璃受損。

事件發生之後，迪馬利亞一家即時晌曼聯派出嘅保安團隊護送離開屋企，並去到酒店居住，據英國《太陽報》報道，事隔咁多日，迪馬利亞妻子對於呢件事仍然好驚，而唔敢返屋企。

不過迪馬利亞就好專業，雖然佢好擔心屋企人情況，但據領隊雲高爾都堅持要比賽，「我知道周圍環境對佢嚟講好重要，而佢亦都好擔心自己太太同女兒。其實事後我有同佢講過，原本想俾啲時間佢冷靜，不過佢想晌對劍橋聯一戰中上陣，所以我就派佢出場。」

「如果以往有啲咁嘅情況，我喺唔會派呢啲球員上陣，之不過佢主動要求，咁我都好樂意俾個機會佢，當日賽事佢表現好好。」相信雲高爾周日作客對韋斯咸一戰，都會派迪馬利亞上陣。