《英國電訊報》：雲帥唔鐘意用靴里拉，因為…… 精選

去夏以3000萬加盟曼聯嘅中場靴里拉，季初表現幾好，之後曾一度受傷，傷癒後就攞唔番個正選，只係常以後備身份入替，更是自去年9月作客對李斯特城一戰後，只晌一場比賽入面踢足全場。《每日電訊報》指出雲高爾去年夏天同意簽入靴里拉，但就唔信佢嘅能力，認為用佢太冒險，儘管佢踢法好啱曼聯。

雲高爾晌過去2個月戰術太保守，《每日電訊報》認為唔用靴里拉，係因為佢踢法太冒險，多於有舒造力，唔適合佢戰術。靴里拉至今出場15次，創造出20次機會，其中4次有機會帶來入球，所以佢晌進攻方面貢獻，的確有目共睹。對劍橋聯嘅足總盃重賽，靴里拉後備入替迪馬利亞2分鐘，就製造機會俾威爾遜入第3球。防守方面，佢出場786分鐘，可以做出27次攔截，8次解圍，犯規10次。總括嚟睇，他攻守兩方面都幾好，但進攻屬性令雲高爾擔憂。

早晌去年美國之旅時，雲高爾對創造性球員提出以下要求：「球員唔係憑直覺比賽。很多球員憑直覺比賽，我會叫佢哋三思，要明白自己點解會咁做。」所以雲高爾並唔提倡自由發揮踢法，亦都解釋到靴里拉同贊奴沙等能撕破對手防線嘅球員，點解成日坐冷板。

本季曼聯已經好少展現晌禁區附近圍攻對方嘅能力同願望，《電訊報》指出向前而唔係向兩邊係靴里拉本能，在雲高爾帶隊下，只可能等待機會。